Indieak emakume izena eta izana ditu
Aurten ere EHU Kulturak eta Black Izar sustatzaileak Indie+ Festival jaialdia antolatu dute bi ostegunez. Lehenengoan Nueva Vulcano, Sua eta Baobabs Will Destroy Your Planet taldeak aritu ziren; eta bigarrenean, berriz Eneritz Furyak, Sara Zozaya eta Maria Berasarte; azken horretan izan ginen.
Aretoa ez zen bete, baina jende dezente hurbildu zen hiru emakume handi hauen emanaldia ikustera. Eneritz Furyak irundarrak izan zuen kontzertua hasteko ardura, bere sorkuntza eta umore bereizgarriarekin. Gitarra eskutan eta efektuak jaurtita kaleratzear zegoen Emadan diskoa aurkezteari ekin zion, hainbat pieza berri eskainiz. Bere marka diren tenpo lasaiak berezko ahots indartsuaren igoera eta beherakadez, saltoka, aberastuta. Ahotsarekin eta melodiekin jolastea gustuko du eta horrela ekin dio oraingoan ere. Horrez gain, zaharragoak diren Zaldi zuria borobila eta Esnatu nintzen gogoangarria ere berreskuratu zituen, azken hori gitarra gabe giro elektronikora ekarrita eta burlesque eta soulean ere arakatuz. Ahots propioa duen artista dela erakutsi zuen.
ENERITZ FURYAK + SARA ZOZAYA +
MARIA BERASARTE
Noiz: otsailak 11
Non: Indie Festival.
Bilboko EHU-Bizkaia Aretoan
Horren ostean, Sara Zozaya donostiarra igo zen agertokira, eta berarekin batera aspaldian alboan dituen gitarra jotzaile eta bateria jotzaile oso finak, power-trio borobila osatuz. Helburua, I izeneko azken lana aurkeztea. Zozayaren eskaintza sotila da itxura batean, baina asko du ezkutuan (eta azaleratzen du batzuetan): xuxurlari ekiten dio teklatuarekin melodia gorpuzten eta gai da poliki-poliki intentsitatea igotzen PJ Harvey-ren tamainako post-rockera heltzeraino. Euskara da bere hizkuntza kutunenetakoa, baina erregistro asko ditu estilistikoki zein hizkuntzei dagokienez: giro elektroniko, progresibo eta kiribilduekin jokatzen du sarri, auto-tunearekin lotsagabeki ausartuta emaitza onak lortzen ditu, gaztelaniaz ere ederto defenditzen da, eta ingelesez mainstream kantak borobiltzeaz gain, gitarra eskutan duela giro ilun, pisutsu eta distortsionatuak ere erdiesten ditu.
Arratsaldeko azken emanaldia Maria Berasarterena izan zen, eta lehen kolpean ikusleok jokoz kanpo utzi gintuen. Musika klasikoan jantzia den eta dozenaka kultura eta musika ikertu dituen emakume honek ahotsen esperimentazioan oinarritutako kanta batekin ekin zion kontzertuari, alboan David Azurzak bere ahotsez didgeridooaren soinua lortuz. Handik gutxira batu zitzaion Joseba Irazoki berdingabea gitarra, testurak eta giroak ehuntzera; eta geroago Igor Telletxea bateria eskarmentudunak erritmo sotil baina aberatsak gehitu zituen. Amazig kulturari keinu egin eta ahotsa berotu ostean, fadoak eta euskal kantutegiko piezak uztartu zituen (Txoriak kantari), baina lekua egin zion tarteka rockabillyari, pop-rockari (La noche más larga) eta giro ilunagoei; eta bukaera hunkigarria eman zion Pierre Topet Etxahunen Urzapal bat lazgarriarekin.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]