Independentismoa ezkerrerantz indartu da
ERCk sorpasso egin dio Junts per Catalunyari, eta Generalitateko presidente izateko hautagai izango dela iragarri du, eserlekuak bikoizten dituen CUPen eta En Comú-ren babesa jasotzeko. Ciutadans amildu egin da eta Voxek ordezkatuko du hamaika eserlekurekin. Illa efektuak boto unionistaren gehiengoa jaso du, baina gobernatzeko aukerarik gabe.
O14-k bi ezaugarri nagusi izan ditu: abstentzioa eta gehiengo independentista ezkerrerantz biratzea. Parte-hartzea 2017ko abenduaren 21eko hauteskundeetakoa –155. artikulua indarrean zela– baino hogei puntu beherago jarri da. Desafekzio aktibo horrek edo pandemiaren beldurrak indar handiagoz eragin die alderdi unionista edo federalistei independentistei baino. Bi datuk bermatzen dute: independentismoak lehen aldiz botoen %50 lortu du (%50,7 PDeCATen 76.000 botoak gehituz gero, parlamentutik kanpo geratu dira); eta diputatu independentistak 70etik 74ra pasatu dira, CUPek izandako jauziari esker, bost eserleku berri lortuta.
Ia alderdi guztiek boto kopuru handia galdu dute, baina kasurik odoltsuena Ciutadansena da, 36 eserlekutik 6ra pasa eta milioi bat boto-emaile galdu ditu. PSCk eta Voxek haien herentzia jaso dute, Salvador Illa alderdiaren kasuan 16 diputatu gehiagorekin –33 guztira, baina ez dute gobernatzeko aukera aritmetikorik– eta eskuin muturra hemiziklora indarrez sartu da. JxCat-ek 400.000 boto-emaile galdu ditu eta ERCk 334.000. CUPek ia berdindu ditu duela hiru urte lortutako 190.000 botoak, baina ordezkaritza bikoiztu egin du: bost diputatu ditu Bartzelonan, bi Gironan eta eserlekua berreskuratu du Lleidan eta Tarragonan. En Comú Podem-ek zortzi eserlekuei eutsi die, baina 133.000 boto-emaile galduz.
Aragones inbestidurara aurkeztuko da
Oriol Junqueras ERCko presidenteak hauteskunde gaueko agerraldian "azken 80 urteetan lehen aldiz ERCk Generalitateko presidentetza berriz hartuko duela" adierazi zuen, "gerra, diktadura eta erregimen autonomikoa tarteko, 80 urteko bazterketari amaiera eman diogu". Pere Aragonesek nabarmendu zuenez, "lehen aldiz botoen %50 gainditu dugu eta etapa berri bati ekingo diogu, preso politikoen askatasuna eta erbesteratuen itzulera lortzeko. Erreferenduma nahi dugu, errepresiorik gabe". Eta ingelesez mezu bat bidali zuen "sit & talk" leloarekin. Ondorengoa zehaztu zuen: "Ez gara diputatu independentistekin konformatzen, diputatu soberanistak batu nahi ditugu". Argi eta garbi En Comú-ko jendeari zuzendutako mezua.
Jessica Albiachek (En Comú Podem) ezkerrera biratzearen ideia ere azpimarratu zuen, baina begirada PSCn jarrita eta CUPen hautagaitza aipatu gabe: "Ezkerreko gobernua behar dugu eta Illa eta Aragonés jaunei deituko diet mahaian esertzeko eta betorik gabeko ezkerreko gobernu zabala eraikitzeko".
Dolors Sabater CUPeko zerrendaburua emaitzekin pozik agertu zen eta aipatu zuen "eskuin muturra Kataluniako Parlamentuan inoiz imajinatuko ez genukeen indarrarekin sartu izana larria" dela. "Errepresio handiko garaiotan, gatazka politikoa konpondu gabe egonda, azkar joan behar dugu, neurriak hartu eta herrialde gisa ibilbide-orria zehazteko". Eta gaineratu zuen: "Zer egingo dugun eta nola baldintzatuko dugun galdetzen diguzue, eta guk kanpainan esandakoa esaten jarraituko dugu. Hemendik dei egiten diegu sindikatuei, erakundeei eta mugimendu sozialei: adostasun handiekin konprometitzen gara. Kataluniako jendea ekina da bi gauzatan: autodeterminazio eskubidea aldarrikatzen eta ezkerrerantz joaten".
Unionismoa, gobernatzeko aukerarik gabe
Salvador Illa Kataluniako eta Espainiako Estatuko biztanleei zuzendu zitzaien, Inés Arrimadasek 2017ko hauteskunde gauean lortutako garaipenaren diskurtsoaren antzera: "Kataluniak gizalegezko eta heldutasunezko lezioa eman du gaur. Gure hautagaitzak boto kopuruari dagokionez argi eta garbi irabazi du eta horrek esan nahi du orrialde berri bat idazteko orria pasatzea. Berriro entzun eta berriro elkartu. Betiko Katalunia itzuli da, inoiz joan ez den Katalunia. Gaur esango dizuet inbestidurara aurkeztuko naizela". Aritmetika argia da eta ez dio Generalitateko presidente izateko aukerarik ematen. Ciutadans-eko katastrofearen emaitzek eta Alejandro Fernándezek gidatutako PPk –hemizikloan azken indarra– ezinezkoa egingo dute. Ciutadanseko Carlos Carrizosak porrota onartu zuen, baina "kataluniarrak, espainiarrak eta europarrak inolako iskanbilarik gabe defendatzeko" lanean jarraituko dutela ziurtatu zuen, eskuin muturrari erreferentzia eginez, nahiz eta Andaluzian eta Madrilen gobernatzeko akordioak lortu dituzten. Ignacio Garrigaren alderdiak Bartzelonako hotel batean ospatu zituen emaitzak, Ortega Smith eta militante neonazi ezagunekin batera, esaterako Alejandro Fernández MSR-ko kide ohiarekin, urte batzuk lehenago Alemanian Rudolf Hessi egindako omenaldi batean parte hartu zuena. Legegintzaldiko buruko min handienetako bat izango da alderdi faxista Kataluniako parlamentuan egotea, 220.000 lagunen botoak lortu eta Vilamalla edo La Pobla de Mafumet bezalako udalerrietan lortutako garaipen harrigarrien ostean.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.
Benetan aztertzeko modukoa da gertatu dena: Espainiako botere... [+]
ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.