Dantza dezagun Reykjavik606
Boom zu pa tutu, tu tu pa pa taka, bum tzu pa pa pa. Abesteko modu asko dago, estilo bakoitzak berea, ahots bakoitzak berea. Eta letrarik gabeko kontzertuetan zer esanik ez. Musika elektronikoan eta jazzean ohikoagoa da ahotsik gabe aritzea, eta norberak jarriko dio tonua. Reykjavik606-ekoek izugarrizko maila erakutsi dute Dabadaban emandako kontzertu bikoitzean.
Erritmoa. Baxua ari da ohikoa baino indartsuago. Bonboa non, apala hor. Erritmoa. Anbienteak gehitu dizkio sintetizagailuak. Dantzatu al dezake gogoak? Erritmoa. Isilik aretoa, aulkietan itsatsita. Zutitzea hain arriskutsua ote? Kontrola bermatu behar da, estetikagatik gutxienez. Erritmoa. Ezagutzen al duzu kanta? Ez, eta beti ez da behar. Eta sample hori? Disko zahar batean topatutako poeta afroamerikarra. Erritmoa, eta baxua ohikoa baino indartsuago.
Reykjavik606 ez dira Islandiakoak Donostiakoak baizik, eta urteak daramatzate elektronikaren eszenan erreferentzia lantzen. Kino Internacionalek eta Borja Piñeirok osatutako bikoteak luxuzko gonbidatuak izan zituen azken lanaren grabaketan: Endless Summer in Peckham (Forbidden Colours, 2019). Baterian Carlos Sagi (Kalakan edo KHAMI gisako proiektuetan aritua) eta baxuan Xabier Barrenetxea. Kolaboratzaileen artean, Ishmael Ensemble saxoan eta Tenderlonius-ek rework batekin. Pena, hauek ez zirela zuzenekora agertu.
Reykjavik606
Noiz: otsailak 6
NoN: Donostiako Dabadaban
Gil Scott-Heronen the revolution will not be televised kanta sampleatuz ireki dute aretoa, eta gertatuko zen guztia iragarrita geratu da hasiera-hasieratik. NU-jazz edo UK-jazz deituriko estiloaren ildotik dabiltza, azken lanetik aurrera. Sekula entzun ez duenarentzat, jazzaren hizkuntza jazzaren “ohiko” eremutik kanpo, elektronika, reggaea, duba, afrobeata, downtempoa eta abar eta abar. Ez dira pop-rockeko akorde progresioak erabiliko, baina ez dira jazzeko ohiko egiturak errepikatuko (solo txandakatuak eta abar).
Beren-beregi jazz ukitua eskainiko diote kontzertuari Sagik eta Barrenetxeak. Erritmoa ardatz hartuta inprobisatuz. Nola da posible horren suabe eta horren indartsu aritzea? Bidaia hipnotikoan laguntzen dute Kino Internacional eta Piñeiroren sintetizagailuek. Begizta natural igaro da sampleak, soloak eta mozketak eskainiz, eta gure buruan batez ere Kamaal Williams-en oihartzuna: “Jazza kalean ikasi dugu guk”.
Reykjavik606 bikotea bakarrik geratu den unean aldatu egin da sortutako aura zoragarria. Bolumena apaldu eta nota disonante batzuek beste eremu batera eraman dute saioa. Edonola ere azken kantarako itzuli da Sagi-Barrenetxea urrezko bikotea eta kontzertuari amaiera itzela eman diote. Delorean zarauztarren hasierako kantetara igaro naiz, bonboek abiadura igotzearekin batera. Eta Euskal Herriko beste talde instrumental batzuk entzuteko gogoz, Rukula eta Sofa etorri zaizkit. Eta modan ez dagoena dantzatzearen plazera sentitu dut berriz ere. Beno, sentituko nuke ez banego maskararekin aulkira horren itsatsita.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]