Disko baten bueltan jarrita
40 pertsona bildu gara Gernikako Astra gaztetxean, bakoitza bere aulkian jarrita eta segurtasun distantzia mantenduz. Argi ahulak eta bozgorailuetatik datorren musikak giro erosoa sortu dute. 40 lagun, eszenatoki huts bati begira, beste norbaitek aukeratu duen diskoa entzuten, adi. Formatu egokituan, baina, Kafea eta Galletak ekimena itzuli da.
Bost urte eta gero bueltan da Kafea eta Galletak ekimena. Zergatik orain? Zergatik pandemia baten erdian, elkartzeko oztopoak eta baldintzak inoiz baino latzagoak direnean? Leire eta Ibon antolatzaileek argi daukate: kultura kinka larrian dagoen une honetan, are egoera larriagoan dago kultura herritarra, instituzioetatik kanpo egiten dena. Espazio alternatiboak balioesteko berrabiarazi dute bost urtez lozorroan izan den ekimena. Ezaugarriengatik, formatu bikaina da gaur egungo egoeran zirrikituak aurkitu eta kultur jarduerak gauzatzeko. Musika kontsumo azkarreko giro-zarata bihurtu den garaiotan, lagun artean bildu eta norbaitek aukeratu duen diskoa modu aktiboan entzutea eta komentatzea plan bikaina izan daiteke.
Kafea eta galletak
Noiz: urtarrilak 5
Non: Gernikako Astra gaztetxea.
Oraingoan J Martina taldekoei egokitu zaie diskoa aukeratu eta aurkeztea. Gaur entzun behar duguna Dellafuenteren azkena izango da. Iaz argitaratu zuen Granadako artistak Descanso en poder (Sony Music). Flamenkoa eta musika urbanoa nahasten dituzten hamar abestiz osatuta dago lana. Proposamen interesgarria, Kafea eta Galletak-en ohikoak izan diren hautaketetatik nolabait aldendu dena. Entzunaldiaren ondoren, J Martinakoek granadarraren lanak musika eta kontzeptu aldetik haientzat izan duen garrantzia nabarmendu dute diskoari buruz eskaini duten solasaldian.
Entzunaldia eta gero J Martina taldearen zuzeneko emanaldiaz gozatzeko aukera izan dugu. Larrabetzu eta Barañaingo hirukoteak autotunearekin iragazitako bi ahots, gitarra eta sintetizadoreez osatutako proposamenak onerako harritu gaitu, ez baikenuen taldea ezagutzen. Sortu dituzten paisaia intimo eta ederretatik pasiatu dugu Desira eta Su bezalako abestiekin, baita Beste Zerbait abesti eder eta latzarekin ere. Askotariko musika-bidezidorretatik eraman gaituzte eta, bukaerarako, dantzan jartzeko gogoz geratu gara. Gogoz kontra, aulkietan jarrita mantendu gara altxatzeko seinalearen zain, bakoitza bere lekuan baina, nolabait, guztiok bat eginik. Bi bertsio eskaini dituzte, Dellafuenteren Ya No Te Veo eta Joseba Tapiaren musika eta Koldo Izagirreren hitzak dituen Lagun Galduaren Geografia.
Gernikatik asetuta itzuli gara, aspaldiko lagun zaharra ikusi eta lagun berriak egin ondoren.
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]