Eutanasia legeztatuta, goazen orain lan orduak erregulatzera –eta egongo da oraindik batzuek ala besteek gobernatu berdin dela esatera ausartuko denik–. 40, 35, orain 32koa ezarri nahi da lanaldia. Bikain. Alegia, gero eta lan gutxiago egin behar izan, hobeto. Marxek berak lan denbora gutxienekora murriztea proposatzen zuen, kapitalismoa gainditzeko aurretiko baldintza gisa. Ni gehiago izan naiz beti bere suhi Paul Lafargueren taldekoa, zeinak, lanaldiaren murrizketa erradikala defendatzeaz gainera –nahikoa litzateke hiru orduko jardunaldia–, nagitasunerako eskubidea defendatu zuen Le Droit à la paresse lanean –mihi gaiztoek Lafargueren jatorri karibetarra jartzen zuten teoria alfer horien oinarrian; nik ez dut odol karibetarrik, nahiz batzuetan kontrakoa uste izan, baina bat egiten dut erabat oinarrizko eskubide horren defentsan–.
Gaurkoa bezalako egunetan, ordea, ez Lafargue, ez Marx, batez ere naiz Bob Blacken ekipokoa. The Abolition of Work izenekoan dio, izenda daitezkeen gaitz ia guztiek dutela jatorria lanean, edo lanaren arabera diseinatutako mundu batean bizitzeagatik. Pentsa dezagun: gure denbora librearen zatirik handiena ematen dugu prestatzen lanerako, lanera joateko, lanetik etortzeko, lanetik indarberritzeko. Lan aspergarri, ergel, monotono bat egiten badugu, oso litekeena da gu geu ere aspergarri, ergel, monotono izaten bukatzea. Eta ondo zioen Sokratesek: langileak lagun eta hiritar txarrak dira, ez baitute denborarik laguntasun eta hiritartasun ardurekin betetzeko. Nik ere, beraz, eta Blacki jarraituz, disfrutatuko nuke (pixka bat) irakatsiz, baina ez dut ezer jakin nahi klasera etortzera behartutako ikasleez, eta uko egiten diot plaza bat lortzeko inori koipea emateari.
Eutanasia lortuta –baina suizidioa oraindik ere estigmatizatuta–, goazen lan orduak erregulatzera –baina lana oraindik ere jainkotuta–. Nik diot, Blackekin batera, lanarekin bukatu behar dela.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]
"Zenbatek egingo du euskaraz 2075. urtean?”. Izenburu asaldagarria du Kike Amonarrizek prentsan berrikitan argitaratu duen artikuluak. Euskal Herrian baino lehenago, galdera halakotsua egin dute Katalunian. Joan M. Serraren L’ús parlat del català... [+]
"Ekin eta jarrai" da Euskaltzaindiaren goiburua. Ez dakit Akademia zergatik ez zuten ilegalizatu, hiru berba horiek agertuta bere logotipoan. Gutxiagorekin egin dira salaketak-eta (adin batekook La orquesta Mondragón-en kasetearena gogoan dugu, Martxoaren 11ren... [+]
Lotsa ahitzen ari ote zaigu? Horixe da egungo hainbat autoreren diagnostikoa. Ez da existitzen, jada, lotsarazi ahal gaituen begiradarik? Bestelakoa zen Jean-Paul Sartrek, 1943an, lotsaren inguruan deskribatutakoa: sarrailaren beste aldean, begia giltzaren zirrikituan itsatsita,... [+]
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
Domeka euritsu honetan, arduraz bizi dugu munduan dauden gatazka askotarikoak direla ezinegonean bizi diren pertsonen zoria. Urrunetik, badirudi boterera jokatzen duen hainbat agintariren eskuetatik ezin garela askatu. Beti bere burua babestu behar duen susmoarekin bizi da... [+]
Irailaren lehenetan, hasierak, nobedadeak eta estreinaldiak: estutxe eta koaderno berria, izena emandako ikastaro edota ekintzetarako taldekideekin lehen enkontrua, aktibitate emanaldi eskaintza oparoa publizitate orrietan edonon, ikasturtearen agenda betetzeko, nork berea... [+]
Ama da, Perukoa, eta ezingo luke euskara zerotik ikasten doan hasi, egunkarietan irakurri dugun moduan (gezurra zen): hemen agian bai, gurean udalak bermatzen duelako eskubide hori (Hernani). Etortzen bazait ikasturtea amaitutakoan (etorri zaizkidan moduan), alabarekin udan zer... [+]