Adorea eta grina sentitu
Hori da sasoia! Bizitasuna eta adorea. Taldearen izenak berak dioen bezala, dena ematen dute kanta bakoitza jotzerakoan. Gogotsu aritzen dira, gozatu egiten dute, eta energia eta grina handia transmititzen dute.
Ondarroako hiru gazte dira Dena taldeko kideak –Beñat Eizagirre (ahotsa eta gitarra), Xabat Ituarte (bateria eta ahotsa) eta Unai Aretxabaleta (baxua eta ahotsa)– eta haien lehen diskoa hasieratik amaierara arte segidan entzuteko modukoa da, zinez. Kantak ederrak dira eta ekoizpena ere bai, soinu indartsua, potoloa eta ozena gauzatu baitute, oso ona.
Rock, stoner rock, hardcore, post-hardcore, trap eta elektronika ukituak dituzten kantak entzun daitezke. Taldekideek jakin-min handia dutela nabari da, eta haiek aitortu dutenez, talde berriak bilatzea eta ezagutzea atsegin dute, sorpresak aurkitzea, gustuko dituzten musika estilo eta joeretako taldeen artean.
Gehienbat erritmo azkarrak eta astunak jotzen dituzte, mozketekin eta geldiuneekin, baina lasaiagoak eta leunagoak diren pasarte batzuk ere entzun daitezke. Hori dena ederki uztartu dute. Doinuak gordinak dira, gogorrak eta basatiak gehienak, baina melodia politak ere egiten dituzte, gitarraren marrazkiekin ongi lagunduta.
Kanta guztiek euren artean zerikusia dute, lotura bat. Ezer ez sentitzea da gai nagusia, bakardadea, apatia eta ezjakintasuna, eta kritika gaur egungo gizarteari eta autokritika ere egiten dute. Zenbait kantarekin bideoklipak egin dituzte, doinuak eta mezuak, entzuteaz gain, ikusi ahal izateko, estetika jakin bat helarazteko.
Taldea 2017an sortu zen eta hiru urteotako lanaren emaitza da haien lehen diskoa, ederra. Internet bidez lortu dute proiektua finantzatzeko dirua biltzea, crowdfunding-a eginez, eta helburua lortu dute: estudio batean sartu, esperientzia bizi eta lan on bat egin, grinaz, betiere. Mutrikuko AME estudioan jardun dute, Axular Arizmendirekin, eta grabazio saioetan bi lagun aritu dira kolaboratzaile moduan, ahotsarekin: Ruben Barnedo eta Paule Bilbao.
Orain, diskoarekin, ahalik eta jendaurreko emanaldi gehien egin nahi dituzte. Haien saioak ikusteko, entzuteko eta sentitzeko modukoak izango dira.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]
Trantzerako musika ekarri du Lapurditik Mäirük. Musika elektronikoak eta tribalak, edo tradiziozkoak, errepikapena dute oinarri. Ez duzu kanta ezagutu behar dantzan hasteko. Bigarren bueltatik aurrera norberak badaki zer egin behar duen.
Lau urteko bilaketa egin du... [+]