EAJ bakarrik geratu da gas zundaketaren defentsan Araban eta Gasteizen
Asteartean Gasteizko Udaleko oposizioko talde guztiek EAJ-PSE udal gobernuari eskatu diote Gasteizko Armentia-2 putzuan gasa dagoen ikertzeko lizentzia ez ematea. Asteazkenean, Arabako Batzar Nagusietan, PSEk ere bozkatu du gas putzua ustiatzearen aurka. Datorren astean mozioa eztabaidatuko da Gasteizko Udalean, eta orduan ikusiko da PSE eta EAJren arteko apurketa gauzatzen den. Berriztu mugimenduak protestara deitu du larunbat eguerdirako, erregai fosilen ustiaketaren aurka eta bestelako eredu energetikoaren alde.
Aste aldrebesa izaten ari da EAJrentzat, gas erauzketa bultzatzeko sustatzen ari den urratsei dagokienez. Gasteizko lurretan dagoen Subillako Armentia-2 putzuan gasa erauzteko baimenak lortu nahi ditu Eusko Jaurlaritzaren SHESA hidrokarburoen sozietate publikoaren bitartez –urtetan frakinga bultzatzen aritu zen berbera–. Mugimendu ekologistak salatu du Armentia-2koaren atzetik beste putzu asko etorriko liratekeela. Arabako Aldundian eta Gasteizko Udalean agintean dagoela baliatu nahi du EAJk, baina aste bakarrean gutxiengo nabarian geratu da bi erakundeetan.
Gasteizko Udala aurka
Asteartean Gasteizko alkate Gorka Urtaranek Klima Ekintzarako udal batzordean hartu zuen hitza. Gasaren erauzketa defendatu zuen, %100 berriztagarriak izango diren energien bidean "trantsizio" gisa: "Trantsiziorako energiarik onena da". SHESAk putzuan gas naturala dagoen ikertzeko baimena eskatu dio udalari, eta Urtaran ematearen alde agertu zen, herritarrek gasik ote dagoen jakiteko "eskubidea" dutela argudiatuta. Oposizioko talde guztiek (EH Bildu, Elkarrekin eta PP –PSErekin batera gobernatzen du EAJk Gasteizen, gutxiengoan–), baimena ez ematearen alde agertu ziren. Indarrean dagoen Hirigintza Antolaketa Plan Orokorrak ez du ahalbidetzen baimen hori ematea, eta une honetan udal gobernuak ez du gehiengorik hura moldatzeko.
Arabako Batzar Nagusiak aurka
Baina kolpe handiena asteazkenean jaso du EAJk. Arabako Batzar Nagusietako osoko bilkurak baztertu egin du gas putzua ustiatzeko proiektua. Mozioa EH Bilduk aurkeztu du lehenbizi, PSEk hori ordezkatzeko zuzenketa batzuk egin ostean, alde bozkatu dute PSEk, EH Bilduk eta Elkarrekin Podemosek. PP abstenitu egin da, eta EAJk soilik bozkatu du aurka.
Arabako Batzar Nagusiek uko egin diote Armentia-2 gas putzua ikertu eta ustiatzeari. Mozioak dagokien erakundeei eskatzen die "Gasteizen interes gorena defendatzeko, indarrean dagoen araudia betez, Subillan hidrokarburoak esploratzeko eta ustiatzeko edozein lizentzia eskabideren aurrean". Espainiako Kongresuari eskatu dio Klima Aldaketari eta Trantsizio Energetikoari buruzko Legea ahalik eta azkarren onartzeko, "debekatuko duena hidrokarburoak esploratzeko eta ustiatzeko jardueretarako baimen berriak ematea". Lege horren onarpena erabakigarria litzateke, hortaz. Eusko Jaurlaritzari, azkenik, eskatu dio eredu energetiko berri baten alde egitea, eta horretan sakontzeko "eguneratu dezala Euskadi 2030 Energia Estrategia".
Arabako Batzar Nagusietan onartutako mozioak ez du ondorio praktikorik, Aldundiak ez baitu eskumenik arlo honetan, baina politikoki oso esanguratsua da: Eusko Jaurlaritzan elkarrekin gobernatzen ari diren PSE eta EAJren arteko arrakala publikoa. Arrakala apurketa bihurtzen den, datorren asteko Gasteizko Udaleko osoko bilkuran ikusiko da. Subillako putzuaren inguruko mozioa eztabaidatuko dute talde politikoek, eta PSEk bere jarrera argitu beharko du.
Larunbatean, mobilizazioa
Asteartean, alkatearen adierazpenen ostean, prentsaurrekoa eman zuen Berriztu plataformak, EAJ-PSEren udal gobernuaren aurka eginez. "Itxuraz kaltegarria ez den Armentia-2 esplorazio putzuaren atzean, ehunka mila hektareatan eragina duen plan handi bat dago", ziurtatu zuen mugimendu ekologistak. Putzuaren azpian Subillako akuiferoa dagoela azpimarratu zuten, "Euskal Autonomia Erkidegoko ur-erreserbarik handiena", eta ustiaketak arriskuan jarriko lukeela. EAJren asmoak, edonola ere, Armentia-2tik harago doazela ziurtatu zuten: "Subillakoa ez da putzu isolatu bat, ondoren euskal lurraldean ehunka putzu egin ahal izateko lehen pausua baizik". Larunbatean mobilizatzera deitu zituen herritarrak Berriztuk, Plaza Berrian, eguerdiko 13:00etan, Atea itxi erregai fosilei. Aldaketa klimatikoaren aurrean beste eredu energetiko bat lelopean.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Igande arratsaldean Greenpeace-ko 30 kide inguruk Urdaibaiko proiektuaren kontrako ekintza burutu dute Bilboko Guggenheim museoan. Hamar landare eta animalia-espezie errepresentatu dituzte.
"Ekologismo berria indartzen jarraitzeko eta aldaketa posible egiteko" helburuarekin antolatu dituzte. Arrasaten burutuko dira, martxoaren 28an eta 29an.
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Laga hondartzaren ezaugarri naturalen leheneratzea duela hiru hamarkada abiatu zen, eta aurrera darrai etenik gabe, erlojuz kontrako lehengoratze mailakatuan.
Laga (Bizkaia) gune aparta da, natura eta gizarte ikuspegitik oso esanguratsua. Kostaldeko legeak eta Urdaibaiko... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Eragile ekologista ezagutzeko edo gai ekosozialetara hurbiltzeko interesa duen edonor gonbidatu dute aurkezpenetara. Aurkezpenak egiteaz gain, hitzaldiak, proiekzioak eta kontzerturen bat ere eskainiko dute zita horietan. Albistearen amaieran egitaraua.
