Iparragirre Rework aurrera egiteko
Biopic baterako proposamena egina du Gorka Bereziartuak, Urretxuko bardoaren “rockstar” bizitza kontatu asmoz bere jaiotzaren 200. urteurren honetan. Morgancrea konpainiak, bere musika berrasmatzeko lana egin du, zortzi pieza batuz abangoardia eta tradizioaren hari finean.
Carlos Rodríguez eta Asun Lasartek sortu eta zuzendu dute ikuskizuna eta Alberto Lizarralderen musika gidaritzapean dream team ederra elkartu da. Pianoa, ganba biola, ahotsa: Sorkunde Idigoras. Gitarra, biolina, mandolina, koruak: Arkaitz Miner. Saxo baritonoa eta sopranoa: Josetxo Silguero. Nyckelharp, biolina, koruak: Xabi Zeberio. Abeslariak: Beñat Axiary eta Lide Hernando. Dantza: Amaia Elizaran.
Saioa Elizaran dantzariak irekiko du –baita itxi ere–musikarien konpainiaz. San Telmoko bobeda bezain dotoreak diren arkuak eskaini dizkigu, mugimendu pausatuak eta espasmoak nahastuz. Musikaren erritmoan hazten da, zuhaitzaren igoera irudikatzera iritsiz. Gernikako Arbola ikus daiteke atzeko planoan, baina zuhaitzetik harago Elizaranek eskuak zabalago eskaini dizkigu, dotoreziaz borobilduz.
Iparraguirre 7
Noiz: azaroak 22.
NoN: Donostiako San Telmo museoa.
Anbientalagoak diren musiketatik lehen bertsiora igaro da banda osoa, Gora Euskera! zortziko zoragarrian eskainiz. Mundu osotik beat modernoak inportatzen ari garen honetan, gurean urte luzeko tradizioa duen erritmo dantzagarri eta frenetiko bat eskaini dute.
Dagoeneko badakigu ez gatozela Iparragirreri gorazarre egiteko ekitaldi soil batera. Minerrek gitarra distortsionatuekin egingo ditu atmosferak, Silgerok saxoarekin pianoren sokak mugituko ditu, Idigorasek biolarekin baxuak aterako ditu eta Zeberiok ukitu tradizionalagoa bermatuko du. Musikarien artean Silgeiroren melodiak gainontzekoen gainetik nabarmendu dira, indarrez eta edertasunez betez aretoa. Baina Silgeirok askatasun hori eduki zezan gainontzeko hiruen oinarria ezinbestekoa izan da. Sotilak eta finak.
Ahotsetan Axiaryren inprobisazio basati eta neurtuek hunkituko gintuztela gauza jakina zen aldez aurretik. Euskal tradizioa eta abangoardiaren iparrorratza dugu donapaleutarra, eta nahiz eta beharko lukeena baino onarpen txikiagoa izan, maila soberan duela erakutsi da.
Bere ondoan musikarien artean gazteena den Lide Hernandok paper zaila jokatu du erraldoien ondoan. Bere ahotsaren indarra ezagun zaigu Liher musika taldean, baina oso bestelakoa da eszena hau. Bada, ahoa bete hortz utzi gaitu, beti bezala. Axiary txiki uztera iritsi da Zibilek esan naute bezalako pieza hunkigarrian. Saio bakoitza ezberdina izango da, baina hemen hobeto ezin da egin.
Hutsune bat jartzekotan ekitaldiari, formatua izan da. Batezbesteko adina hirurogei urteren bueltakoa izango da, proposamenaren berrikuntza estetiko eta musikalarekin ez oso koherentzian. Saio gehiago izango dira, eta agian beste publiko mota batengana errazago iritsiko da horrela. Iragana etorkizunean proiektatzeko saiakera ederra baita. Oteizaren arraunlariak oroituz: atzera begira, aurrera egiteko.
Morgancrearen argazkiak:
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]