Egun batetik bestera, hirian bizitzeko abantaila ia guztiak ezerezean geratu dira. Tabernak eta merkataritza-guneak itxita daude, Alde Zaharra oso goibel dago, gertuko merkataritza kili-kolo dabil, jendearekin biltzea debekatzen digute, ibili edo korrika egiteko derrigorrezkoa da musuko higuingarri hori...
Gauzak horrela, burua aireatzeko eta hiritik ihes egiteko premia sortu zaigu. Beraz (eta hona Iruñerriko adibideak datoz), Orikain, Untzue, Zabaldika edota Erreniegako merenderoetara hurbilduz gero, gure egoeraz jabetuko gara. Astebururo, hiritik inoiz ateratzen ez ziren urbanita peto-petoez beteta daude orain gutxi arte etorkinek bakarrik erabiltzen zituzten leku hurbil baina bigarren edo
"Hiritik inoiz ateratzen ez ziren urbanita peto-petoez beteta daude orain gutxi arte etorkinek bakarrik erabiltzen zituzten leku hurbil baina bigarren edo hirugarren mailakoak"
hirugarren mailakoak... Aisia mailakatu ahal bada, aitortu behar da hiritik gertuko merenderoak ez zeudela gure asteburuko plangintzetan.
Agian, kategoria gutxiko aisia zelako. Glamour urriko lekuak. Oso merkeak (musutruk!), dena esateko.
Hala ere, atzera begiratzen badugu, kontraesan bitxiak topa ditzakegu. Txikiak ginenean, gurasoak mobilizatzen ziren gure auzoetan parkeak ez zeudelako, eta gainera, orduan egon bazeuden orube zabaletan, xiringak pilatzen ziren. Urteak pasa ahala, hiriak edertzen joan ziren, parkeak barne, euren iturri, aintzirekin eta guzti.
Bilakaera horrekin batera, auzoko parke batzuk eta hiriaren inguruko merenderoak abandonatzen joan ginen. Hiriak bizigarriagoak bihurtu ahala, gutxiago erabiltzen genituen, eta txoko zein igerileku pribatuetan (barkatu, gizarte ekimeneko guneak esan nahi nuen) elkartzen ginen igandeak eta udako arratsaldeak igarotzeko. Kotxez joaten ginela, gure hiriko parkeetan boleibol edo areto futbol partidak ikusten genituen, reggaeton edo bachata doinuez lagunduta. Koloretsua, bizia, baina gugandik oso urrun…
Bat-batean, gure txoko eta igerilekuak itxi zizkiguten eta kalean geratu ginen. Parkeak eta merenderoak hor zeuden, ederrak eta erabilgarriak. Gainera, denonak dira (betidanik izan diren bezala). Pixkanaka, oso sinpleak diren planak egiten hasi gara, gure pandemia-asteburuak betetzeko, ahal dugun moduan bederen. Agian bachatarik gabe baina mendiko arropa garestiz jantzita. Tira, norbera bere estiloan, baina glamour urriko eta ustezko kategoria gutxiko aisia berriro dastatu dugu.
Hau da, garai zailetan, oinak lurrean jarri behar izan ditugu. Gure kategoriara itzuliz, behar bada. Nola aldatzen diren gauzak, kamarada…
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]