Lerroburuak
Bingen Zupiriak elipsi bidez adierazi zigun norantz dauden lerratuta euskarazko hedabideak, eta denok ulertu genion, xehetasun gehiagoren beharrik gabe. Despistatu-plantak egin zituen baten batek, baina gutxi izan dira, zorionez. Bada, hemen lerro deituko diogu espazio politiko-ideologiko horri. Lerroa nolabait deskribatzekotan, ezkertiar eta abertzaleen ohiko eremua baino zabalxeagoa litzateke, gutxitan festa kromatiko bat.
Presaka egin behar izan zuen ospa Zupiriak mahai-ingurutik, lehergailua jaurti eta berehala, eta ezin izan zioten esandakoaren gainean konturik eskatu. Baina tira, esan zuena esan zuen, eta gutxi-asko denok gaude ados; askok erantzun diote haserre sare sozialetan-eta, gehienek arrazoiarekin, segur aski, baina inor gutxik kendu dio arrazoia.
"Prest egongo ote lirateke ‘lerrotik’ kanpoko kazetari saldoak euskaraz idazte hutsagatik haien burua bazterrean kokatzeko?"
Eta ia inork ez dionez arrazoirik kendu ez naiz ni hasiko orain, jendeak pasadizo hau erdi ahaztuta duenean. Bat nator diagnostikoarekin, eta arazo potoloa iruditzen zait, gelako elefante potolo ugarietako bat. A, eta Zupiriari arrazoia ematen hasita: data zehatz bat seinalatu zuen hark, Zaldibarko istripuari eta horrek ekarri zuen soka luzeari erreferentzia eginez, lerroko hedabideak gaizki portatu zirela eta. Zaila da orokorrean hitz egitea, baina irudipena izan nuen, noiz eta aurtengo hauteskunde autonomikoen biharamunean, nik segitzen ditudan lerroko hedabide nazionalek ospatu egin zituztela EH Bilduren emaitza onak Zaldibarren eta inguruko herrietan –barkatuko didate lerroburuak oso era makurrean interpretatu banituen–. Bestela esanda, beste alderdi batzuen ardurapean gertatutako tragediaren ondorengo haserrea eta min izugarria kapitalizatzea lortu zuela alderdi batek. Eta lerratuegia baino, itsusia iruditu zitzaidan hori. Eta lerrotik ari naiz idazten ni ere, edo hala uste dut.
Presaka egin behar izan zuen ospa Zupiriak mahai-ingurutik, baina bestela agian gustura galde zekizkiokeen hainbat kontu; esaterako, distantzia eta deserosotasun ideologikoez aparte, prest egongo ote liratekeen lerrotik kanpoko kazetari saldoak euskaraz idazte hutsagatik haien burua bazterrean kokatzeko, askotan merezi baino aitortza urriagoa jasotzeko, beti “euskal” etiketaren pean irakurriak izateko, nola dirulaguntza publikoak hala herritarren sostengua erregutzen aritzeko. Bestela esanda, tentatuta ikusten ote dituen hedabide sasi-elebidunetako kazetariak jauzi hori egiteko, eta ea ideien arrakalak soilik eginarazten dien atzera.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]
Zalantza asko izan ditut, meloia ireki ala ez. Ausartuko naiz, zer demontre! Aspaldian buruan dudan gogoeta jarri nahi dut mahai gainean: ez da justua erditu den emakumearen eta beste gurasoaren baimen-iraupena bera izatea. Hobeto esanda, baimen-denbora bera izanda ere, ez... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Beste detektibe triste baten telesail bat ikusi berri dut. Eskoziako irla urrun batean gertatzen dira trama guztiak. Badakizue nola funtzionatzen duten fikzio horiek: hildako asko, jende arrunta baina ez hainbeste, eta paisaia berde iluna. Oraingo honetan duela urte pila bat... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]
Eroso gaude ingurunea gure egoera fisiko/emozionalera egokitzen denean. Besteak ni kontuan hartu nauenean, izan gizaki bat, objektu bat, espazio bat. Erosotasunaren klabea produktu eta espazio diseinuan beharrizan handi gisa sartu da, erosotzat jotzen dena erosgarria delako... [+]