Zer guapa zauden” esaten dizute elkarrizketa hasterako. Berotasun gorri batek hartzen dizkizu masailak eta eten txiki batek ematen dio bide jarraian datorren galdera erretorikoari: “Argaldu egin zara, ezta?”. Buruarekin baietz zuk.
Kalean norbaitekin gurutzatzean, lan-bileretan, jendaurreko emanaldien ostean... Aspaldiko lagunen, azkenaldiko ezagunen, gertu-gertukoenen nahiz urrutikoagoen ahotik belarriratu zaizkizu bi esaldiok azkenaldian, lausengu lurrin nabarmenez. Dagoeneko ez zaizu hain nekeza lerro artean adierazi nahi dizuten hori irakurtzea.
Lehenago ez zizun inork “lodiago” zeundenik esaten. Orain, aldiz, bi begi handi sumatzen dituzu musukoaren atzetik zu zoriondu nahian. Zorionak, begi horien arabera behintzat, beti nahi izan duzuna lortu duzulako azkenean. Zorionak, orain
"Inork ez daki benetan zure bizitzako unerik zailena pasatzen ari zarelako argaldu ote zaren. Inori ez zaio axola. Zorionak, 'zer guapa zauden'"
pixka bat gertuago zaudelako edertasun kanon inposatu bezain iritsezinetatik. Zorionak, balizko sakrifizioak merezi izan duelako.
“Dieta zorrotzen bat jarraituko zuen ziur”. “Ahoa itxiko zuen derrigor”... Inork ez daki benetan zure bizitzako unerik zailena pasatzen ari zarelako argaldu ote zaren, azken hilabeteetan baskularekiko eta, ondorioz, janariarekiko harremana zaildu zaizulako edo urdailean sortu zaizun ultzerak gosea lapurtzen dizulako. Inori ez zaio axola. Zorionak, “zer guapa zauden”.
Eta zer diren gauzak. Barruraino erori zara aspalditik lokalizatuta zenuen tranpa horretan. Eta zer diren gauzak. Bertan harrapatuta zaude orain. Sekula baino denbora gehiago igaro duzu segundo gutxi barru aho-sabaian urtuko zaizun txokolate-ontza beltzari begira.
Zuk ere noizbait norbaiti esandakoak datozkizu orain bumeranaren moduan bueltan eta, entzutearen entzuteaz, zu ere hobeto sentitzen hasia zara zeure gorputzean. Garai bateko argazkiei beha, haragitsuago sumatzen dituzu zure masail-hezurrak, aldakak, besatzeak, ipurdia... Jada ez duzu noizbait argaltzen zinenerako gordetako arropa armairuaren hondoan pilatu eta bigarren eskuko dendaren batera eraman beharrik izango. Orain primeran geratzen zaizkizu ahizpa argalagoak maileguan emandako galtza bakero estuak. Lehen gustatu arren jartzera ausartzen ez zinen jantzi batzuk gustura daramatzazu soinean orain. Oraingoz.
Behin argaltzen hasita, argalxeago egon nahi izateko arriskua daukazu orain. Argalago. Eta argalago. Eta argalago. Beti argalago.
Eta orduan, akaso, argalegi zaudela esango dizu kutxazainerako ilaran topatuko duzun norbaitek.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
