Bidean aurrera
Taldeen izenek eta haienganako izan ditzakegun aurreiritziek tesi baterako eman dezakete lasai asko. Izan ere, Beasaingo talde honen izena lehen aldiz entzun nuenean reggae orbitan kokatu nuen… Baina ez da horrela: Oi! edo street-punk estiloetan trebatutako kideek osatzen dute, eta proiektu honekin harago joatea erabaki zuten, ñabardura asko dituen punk melodikoa egitea, hain zuzen ere.
Beasain izan da aspaldian kaleko doinuen eremua, eta Azken Sustraiakeko bi kidek The Sinners izan zuten oinarri. 2017an, baina, bestelako doinuak probatzea erabaki zuten eta poliki-poliki laukotea osatu zuten. 2018an, eraldatze hori irudikatuz Azal berri bat lan luzea argitaratu zuten, eta jarraian boskote bihurtu.
Ideiak are eta argiago, eta soinu gero eta irmoagoarekin, utopiekin aurrera egitearen aldeko aldarria den Utopian gara aske lan sendoa kaleratu dute. Ideiak argi, batu aurretik hausnartzeko ezinbestekoak diren hitz argigarriak, talde lotura egokia, gitarra oso aberatsak, eta estilo-paleta zabala. Zoritxarrez, beste asko eta askori bezala, pandemiak bidea moztu die.
Nor nori nork punk-rock melodikoa da, itsaskorra eta indartsua, Alemaniako punka gogora ekartzen duena. Cristales rotos Social Distortionen melodiak eta Oi!-aren ukitua dituen kanta sendoa. Prest al gaude? Never Surrender gogora ekartzen duen pieza nostalgikoa. Refugio Crime eta hastapenetako Turbonegro gogora ekartzen duen pieza punk-rockero garratza. Anormalak gara Sex Pistols, punk-Oi!-a eta estereotipoen kontrako hitz sinesgarriak batzen dituen koktelera. Hilezkorrak Arrasateko tabernaren batean erditu ahal zen folk-Oi!-punk pieza biluzia. Eterna guerra interna zapalgailurik gabeko punk-rock garratza. Isiltasun eta lokatz Mike Ness azkarrenari gorazarrea. Moscas punk-rock eta Oi! klasikoa. Gezurrari egia oso ondo orekatutako tempo erdiko punk-rocka. Algunas balas punk-hard-rock-and-roll kanta borobila. Eta, azkenik, Crear para crecer AEBetako hegoaldeko doinu puruetatik ederto edaten duen punk melodikoa.
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Garai oparoa izan zen 1980ko hamarkada Euskal Herriko rock musikarentzat. Talde ugari sortu ziren: tartean, Belladona, Matraka eta La Viuda Negra. Hiru horiek soilik emakumez osaturiko musika talde nafarrak izan ziren. Iosebe Garaialde (Iruñea, 1961) lehen bi talde... [+]
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Musikan inoiz ez dela diskriminaziorik egon adierazi du Alex Sardui abeslariak, eta haserre erantzun diote Euskal Herriko musikagintzako emakumeek*, 150 lagunek sinaturiko komunikatuan: “Denbora asko daramagu tankera honetako egoerekin nazkatuta”. Barkamena eskatu du... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Taldeak bere azken lana izango den Agur eta ohore x allá va la despedida lana kaleratu berri du. Oholtzak utzi eta agur bira egingo dutela iragarri du Chill Mafiak hiru urteren ostean. Iruñean abenduaren 25ean egingo dute azken kontzertuetako bat.
Boga Boga festibala antolatu dute Donostian, eta jaialdiaren bezperatan, EHUko Uda Ikastaroen barnean, bi eguneko jardunaldiak egin dituzte Dabadaba aretoan, Egia auzoan. Hainbat musikari ez ezik, zenbait makrofestibalen antolatzaileak bertaratu dira hizlari gisa, baita... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]