Arkaitzerrekan lau egunez 2,2 milioi litro ur kutsatu isuri zituzten erraustegitik, Guardia Zibilaren arabera
Guardia Zibila Zubietako erraustegiko lau arduradun ikertzen ari da, maiatzean Arkaitzerrekan hainbat arrain amoniakoz kutsatuta hiltzearen erantzukizunak dagozkielakoan. Ikertzaileen arabera, Arkaitzerrekan gertatua ez zen une bateko isuri txikia izan: lau egunez luzatu zen eta amoniakoz kutsatutako 2.200.000 litro ur hustu zituzten erraustegitik Arkaitzerrekara.
Guardia Zibilak Europa Press agentziaren bidez zabaldu duenez, ingurumen delituetan berezitako haren Seprona saila ari da ikertzen Arkaitzerrekan joan den maiatzean gertatutako kutsadura, Donostiako Auzitegiko 5. Epaitegian gaia daraman epailearen aginduz. Espainiako poliziek Europolen laguntza ere behar izan dute, Gipuzkoako erraustegiaren jabe diren sozioen artean Espainiakoa ez den enpresa bat dagoelako, indar handieneko bazkidea hain zuzen.
Zientoka aingira eta bestelako arrain hil zituen kutsadura amoniakoak eragin zuela ezaguna baldin bazen, Sepronako agenteek Amonio deitu operazioan egindako ikerlanak argitara atera ditu isurketaren hainbat xehetasun jakingarri. Isurketa, ikertzaileen aburuz, ez zen une bateko istripu arin baten ondorioa izan, aitzitik, lau egunez luzatu zen amoniako isurketa eta susmoa dute, gainera, maiatzean Zubietako herritarrek salatutakoa ez zela lehenbizikoa izan, aurretik gutxienez beste bat gertatu zela bertan.
Erraustegiko arduradunek egun haietan aitortu zuten kamioi bat deskargatu ondorengo garbiketa prozesuan ihes bat gertatu zela bertan eta instalazioen erabilera oker batengatik zisternaren edukia errekaraino iritsi zela. Orain Guardia Zibilak azaldu duenez, operazioa zuzentzen zuten teknikariek ez zioten garrantzirik eman isuriari eta eraikinaren beraren prozedurak urratu zituzten.
Baina, gainera, agenteak ohartu dira erraustegiak berak husten dituen uren pH-a neurtzeko sistema aktibatu gabe zegoela; horrela ezin detektatua amoniakorik, hau % 25eko kontzentrazioan isurita ere.
Ikertzaileen arabera, Arkaitzerrekan detektatutako amoniako kopurua legez baimendutakoa baino 220 aldiz handiagoa zen eta horrek eragin zuen errekako arrain guztiak hiltzea. Gutxi gorabehera 2.200.000 litro ur amoniakoz kutsatuak isuri ziren Arkaitzerrekan.
Nabarmentzekoa da Donostiako lur-eremuan gertatutako ingurumen delitu baten ikerketa Guardia Zibilak eramatea, eta bada arrazoi bat horretarako: Ertzaintzak ez dauka ingurumen delituak pertsegitzeko prestakizunik, behin eta berriro elkarte ekologistek salatu dutenez.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.