Eremu idorrak
Basamortua, eremu idorrak, lehorrak suma daitezke Nire-ren kantak entzuterakoan. Beroa eta hotza senti daiteke, aldi berean. Bakardadea, harremanen gazi-gezak, desioak, nahiak: “Eguzkia dardarka, bihotza izoztua” (Basamortuan), “Noizbait norbait maitatu al duzu? Noizbait norbaitek maitatu al zaitu?” (You hate love), “Larre zabalean zaldi bi, beraien gainean gure desioak” (Zaldi bi), “Garbitu ditzagun gure bekatuak lehenbailehen, berriro bekatu egiteko behin bat gehiago” (Behin bat gehiago).
Kantek transmititzen dituzten giroak intimoak dira, zirraragarriak. Rock doinu dotoreak dira, biziak, gordinak eta ilun samarrak. Erritmoak ez dira ez azkarrak, ezta geldoak ere. Aurreko diskoan (Hamabost, 2015) country kutsuko doinu goibelak landu zituen Nirek, eta disko honetan, berriz, garage kutsuko rock indartsua nabari da kantetan.
Diskoa ederra da. Ekoizpen lan oso ona egin dute, moldaketak ongi zainduta. Melodiak ederki jantzita daude gitarren marrazkiekin, eta beste zenbait zaratatxorekin eta xehetasunekin. Ahotsa ere ongi egokituta dago kantetara, kanta bakoitzak eskatzen duenera.
Nire, berez, Ivan Zabalegi (gitarra akustikoa, cigar box guitar, ahotsa, bateria) da. Lisabö taldean aritzen zen lehen, bateria jotzen. Hemeretzi lana osatzeko, lagun hauekin aritu da: Ander Zabalegi (bateria), Borja Toval (gitarra elektrikoa), Borja Iglesias (gitarra elektrikoa) eta Karlos Osinaga (grabazioa, nahasketak, ahotsak). Halaber, hitzak idazterakoan, Jon Rubioren eta Martxel Mariskalen laguntza izan du, eta diseinu lanak egiterakoan Ramon M. Zabalegirena eta Kakun Rubiorena. Nireren jendaurreko emanaldietan, Ivan bakarrik aritzen da, edo Ander Zabalegirekin eta Borja Tovalekin.
Nireren Hemeretzi diskoa, Bidehuts zigiluaren katalogoan dauden gainerako diskoak bezala, Bandcamp plataforman entzun daiteke. Diskoak modu digitalean eros daitezke, Bandcampen, eta ohiko euskarri fisikoan ere bai, Bidehuts zigiluaren bidez.
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]