Landako kumeak hirian
Konfinamenduko hilabeteek askorako eman dute eta aurretiaz martxan zegoen iraultza digitala bizkortu egin da. Ematen du lanerako bideokonferentzia, distantzia bidezko hezkuntza eta hainbat alorretan izandako aurrerapen telematikoa geratzeko etorri dela. Zuzeneko musikaren esparruan ere emankizun digitalen aldeko interesa areagotu da. Baina ba al dute etorkizunik streaming bidezko kontzertuek? Errentagarriak al dira? Zer balio dute esperientzia kultural bezala?
Dupla bikote arabarra indarberrituta heldu da ziurgabetasunez beteriko aro berritzaile honetara. Sorreratik izan duten filosofia eraberritzaileak ez du mugarik aguraindarrentzat eta Gasteizko Jimmy Jazz aretoan hilabetetan pilatutako hautsa harrotzeko asmoz heldu dira. Euskal folklorea zer den eta zer izango den birplanteatzen duen duo arabarrak 360 graduko eszenaratzearekin ekin dio zuzeneko kontzertu honi.
Nortasun propioa duen taldea da Dupla, landako izaera metropolikoarekin bateratu nahi duena. Horregatik, musikatik haratago, estetika, janzkera, jarrera eta irudia asko zaintzen dituzte. Arropa koloretsuak eta gurean oso erabiliak ez direnak baliatzen dituzte bideoklipetan, hala nola, kolore fosforitoak, eguzkitako betaurrekoak, tindatutako arropak, buru-berokiak…
Gaur egun modan dagoen musika urbanoa dute ardatz nagusi. Diruaz, lanaz, festaz, sexuaz eta drogez mintzo dira abestietan. Volau edo Soy rico dira horren erakusgarri. Esplizituak izan arren egunerokotasunean inguratzen dituzten gaiez dihardute, baina fantasiazko kutsu batez, Dantza gaua, Nahi dudana izango naiz edo egin berri duten Preocupau kasu.
Ordenagailuaren pantailatik irrika, dantzatzeko grina eta ondo pasatzeko gogoa helarazten dituzte uhinek. Oholtza led-argi bertikal batzuekin atondu dute, zirkulu txiki bat osatu eta Gari eta Beñatek haien segurtasun gunea sortu dute. Bi protagonista nagusiekin gitarra, bateria elektronikoa eta ordenagailu bat ageri dira ikuskizunean, eta haiekin batera hezurrak astintzeko aukera izango dute Jimmy Jazzek zozketatutako sarrera bikoitzaren irabazleek.
Abestien arteko inolako geldiunerik gabe egiten du aurrera kontzertuak, bata bestearen atzetik datoz Somos así, Celebrando, Karma occidental eta jaiari amaiera emateko hainbesteko arrakasta izan duen Dantza gaua. Dantzari bat igotzen da taulara eta dantzatzeko gogoa kutsatzen dio eszenatokiaren inguruan dagoen ikuslegoari. Norberaren ardatzaren gaineko perreoa da nagusi aretoan eta bateria elektronikoaren azken bonboarekin batera, Joselu Anaien Marina Marina entzun daiteke. Dantzatzeko arazo moralak atzean uztea lortu eta folklore kontzeptuaren birplanteamendua proposatzen dute arabarrek, arazo moralak atzean uzteko garaia, alegia.
Argazkiak: Jimmy Jazz
.jpeg)
.jpeg)
.jpeg)
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]