Mihise zurian murgildu
Kronik@ diskoa (Balio Dute, 2020) behar bezala aurkeztu du Usurbilgo hirukoak. Streaming-ik ez, hezur eta haragizko, eta watt eta dezibelez betetako kontzertu puska. Sarrera gutxiak agortuta, Donostian areto batek antolatutako lehen kontzertuan. Nola ez, beti arriskatzeko prest dagoen Dokan.
Mihise taldearen kontzertua ekainaren 26an, Donostiako Dokan
Ibilbide luzea dute Beñat Urteagak, Antton Aranburuk eta Mikel Olasagastik elkarrekin. Izeberg eta Hotzikara taldeetan elkarrekin aritutakoak dira eta azken honen hondarretatik sortu da Mihise. Kanta instrumentalak zirenak, ia bost urtez landu ostean, Berako Atalan grabatu dituzte.
Diskoa etenik gabekoa da hamar piezetan, instrumentalak eta ahotsak tartekatuz. Intentsitate joko bikaina proposatzen dute, bateria, baxu, gitarra eta sintetizagailuekin kolore eta ñabardura ugaritako pintzeladak eskainiz.
Esango nuke kontzerturako ez dela akaso bidaiarik aproposena. Diskoan igoera eta jaitsieren klima ederra dena, moztu egiten delako zuzenean kanta eta kanta artean. Zu zeu aldatuz zoazelako energiarekin. Elektrizitatea mingain puntan duzunean gehiago nahi izaten duzu.
Edonola ere, bidaia zoragarria proposatzen dute. Bizitzari buruzkoa –bestela izan al daiteke?–. Kolpe bat jaso eta gora eta gero jaitsi eta mindu eta sendatu eta lokatza gero eta ondo zaudenean kolpe bat jaso eta buelta hasierara. Kronika kroniko baten moduan ikus dezakegu gogoeta.
Unerik gogoangarrienetako bat, zalantzarik gabe, Urteagaren aitaren ahots audio batekin egiten duten Zer gara ba? kanta da. Aita hiltzear zela eskatu zion Urteagak esaldia grabatzea, eta hunkituta kontatu zuen esaldi triste eta sakona zena, tonu positiboan grabatu zuela. Horrelako material emozionalarekin jolasten ari den talde bati errespetu osoa. Are gehiago jolasaren emaitza bikainera gerturatzen denean.
Bikain aritu da hirukotea, diskotik entzuten arituko bazina bezala kasik. Fin-fin gitarretan, sendo baxuan eta arriskatuz baterian. Zaleak alde zituzten, hori bai. Hitza hartu zuten bakoitzean moztuz, adarra jotzen eta barre algaraka. Bazegoen, bai, zuzenekorako gogorik!
Rocka ez da izango hamarkada honetan berrikuntza gehien ekarri digun estiloa, baina asko esan dezake oraindik. Mihise zuri bat bezala har ezazu taldea, eta utzi buruari bere testuretan murgiltzen. Gure antzera bukatuko duzu, Dokak jarritako mahaietatik ezin mugitu, nor bere aulkian zutik txaloka eta beste bat eskatuz.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.