Koronabirusa, Zaldibar eta ustelkeria kasuen legealdia
Uztailaren 12an egingo dira Eusko Legebiltzarrerako hauteskundeak, horrela XII. legegintzaldiari hasiera emanez. Apirilaren 5ean egitekoak ziren, baina koronabirusaren krisia dela eta atzeratu egin ziren, alderdi guztien adostasunez. Uztailaren 12ko data hautatzearen kontra agertu ziren, aldiz, oposizioko indar nagusi diren EH Bildu eta Elkarrekin Podemos.
Berez, legealdiak urriaren 25ean amaitu behar zuen, beraz, ordura arteko tartea zegoen hauteskundeak egiteko. Eta egoera berezi honetan, Eusko Legebiltzarrak har zezakeen bestelako erabaki ezohikorik ere. Hala ere, EAJk hauteskundeak egiteko premia ikusi du, osasunaren eta ekonomiaren egoera jadanik larriak etorkizunean are eta gehiago ilundu aurretik. Oraindik, gainera, ezin ziurtatu guztiz egingo direnik, gaitzaren garapenak hala eskatuko balu, bertan behera utziko zituela iragarri baitzuen Urkullu lehendakariak. Ez dirudi hala gertatuko denik, baina COVID-19aren agerraldi txikiak ikusten ari dira han-hemenka eta, beraz, ezin erabateko iragarpenik egin.
Azken 40 urteetan egindako hauteskunde berezienak izango dira seguruenik, herritarra higiene eta babes neurri berezien artean joango delako botoa ematera. Eta seguruenik, pandemiaren kudeaketa izango da herritarrek botoa emateko buruan izango duten gai nagusietakoa. Ondorengo erreportajean aztertuko dugu gaia, beste hainbat alorrekin batera. Azken legealdi honetan bero-bero egon diren hainbat alor miatu ditugu: Zaldibarko hondamendia, ustelkeria kasuak, estatutuaren erreforma edo euskararena dira horietako batzuk. Hauteskunde kanpainak iraun bitartean, halaber, egunez egun ARGIAren webgunean landuko ditugu beste hainbat gai.
Honako artikuluek osatzen dute erreportajea:
Pandemia ez zegoen inoren gidoitan
Estatutuaren erreforma izoztu zenekoa
Hogeita bi eta bat (Malores Etxeberria Hernaniko Udaleko euskara teknikaria - Iritzia)
Legealdia eta presoak: honez gero berandu delako (Txema Matanzas - Iritzia)
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.