Museoak kalean
Jendea etxean itxita egon den bezala, museoetako altxorrak ere itxialdian egon dira luzaroan, Covid-19ak eragindako osasun larrialdiagatik. Bisitaririk gabe, ilunpean, erabateko isiltasunean pasatu dituzte hainbat aste. Horregatik, gogo handiz ireki dituzte museoek beren ateak, barruan gordetzen dituzten objektuak berriro erakusteko asmoz.
Bizkaiko museoak ez dira bisitarien zain gelditu, eta kalera irten dira, beren bildumetako pieza esanguratsuenen berri ematera. Bilboko Uribitarte pasealekuan panel handi-handiak jarri dituzte, argazkien bidez museo bakoitzeko pieza bat erakutsi eta haren inguruko bitxikeriak kontatzeko. Museo ezagunek egin dute bat Uribitarteko erakusketarekin, baina benetako deskubrimendua museo txikietan gordeta dauden bitxikeriak dira.
Azken batean, Bizkaiko herriak bisitatzeko aitzakia polita dira museoak. Eskualde guztietan dago non aukeratua, normalean inguruko historiari eta ohiturei buruzko museoak izaten dira, txikiak bezain txukunak.
Adibidez, Bakioko Txakolinaren museoan, Txakolindegia delakoan, Bakiok edari horrekin XIV. mendetik izan duen harreman estuaren berri jasoko dugu. Itsasoaren hurbiltasunari eta lursail aproposei esker, txakolina egiteko mahasti bikainak daude herriaren inguruan. Eraikin moderno eta dotore batean dago Txakolingunea, ikus-entzunezkoen eta bisitaldi gidatuen bidez bisitariei txakolinaren produkzioaren sekretu guztiak (edo gehienak) kontatzeko prest.
Museoko pieza kutuna Luzarraga baserriko dolare zaharra da. Uribitarteko erakusketan Txakolingunearen ordezkaria dira dolarearen argazkia eta haren funtzionamenduaren inguruko azalpenak. Bakioko baserri horretan txakolina egiteko erabiltzen zuten dolarea, harrizko tramankulu hori gai baita mahatsa xehe-xehe egin eta gerora ardo bihurtuko den likidoa ateratzeko, xurrutua izeneko hustubidetik. Beste baserri batzuetan sagardoa egiteko erabiltzen da dolarea.
Pieza galanta da dolarea, baina ez da Bizkaiko museoetako handiena. Bilbon jarritako paneletako batean kontatzen digutenez, Agurtza arrantza-ontzia ikus daiteke Santurtzin, baita barrura sartu ere. Luzaroan baxurako arrantzan ibili zen Lekeitioko ontzi hori eta, ondoren, Santurtzira, Itsasoa Interpretatzeko Zentrora, eraman zuten.
Dolarea eta Agurtza Bizkaiko museoetan ikus daitezkeen piezetako bi baino ez dira. Uribitarte pasealekuko paneletan argazki gehiago daude ikusgai, uztailaren 8ra arte. Bilbora hurreratu ezin duenak webgunean ere badu aukera. Hala ere, esperientziarik politena, dudarik gabe, museoetara joan eta piezak bertatik bertara ikustea da, osasuna babesteko neurriak gogoan izanda, noski.
Guggenheimaren patronatuakbi urteko epea jarri dio bere buruari proiektuaren alderdi guztietan lan egiteko, “zalantzarik gabe” hartu behar baita kontuan biosfera erreserba batean kokatuko dela. Pello Otxandianok zalantzan jarri du proiektuari 500 milioi euro... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Urtearen amaieran utziko du ardura postua. Zuzendaritza berritzeko prozesua jarriko dute martxan. Vidartek 32 urte pasatu ditu Bilboko Guggenheim museoko zuzendaritzari lotuta.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.