Show must go on
Zalantzarik gabe, COVID-19aren pandemiak gure bizitzak nahastu ditu maila guztietan. Egia da, halaber, apur bat friboloa dela gaitzak jo ez gaituenak kexatzea hain aipatua dugun “normaltasun berriak” gure bizimoduari ekarriko dizkion nahasmenduez. Hildako kopuru handiaren alboan, ondorioak dituzten gaixoen eta minez betetako familien ondoan, gure bizitza kulturalak epe labur edo ertainean izango dituen galerei buruz hitz egiteak gorritu egiten nau, nolabait.
Baina egia da, baita ere, bizitzak aurrera jarraitzen duela, eta kulturarik gabeko bizitza, eta batez ere musikarik gabekoa, bizitza gutxiago dela, edo kalitate txarragoko bizitza dela.
Horregatik guztiagatik, musikaren ikuspegitik etorkizun itxaropentsua azaltzen digutelako, txalogarriak dira hainbat erakunde izaten ari diren ekimenak. Gure inguruan egiten ari diren ekimenak nabarmendu behar ditut, noski.
Maiatzaren 30ean hasi eta uztailaren 18ra arte, Euskadiko Orkestra Sinfonikoak kontzertu ziklo txiki bat eskainiko du ETB2tik eta, ondoren, Internet bidez. Lehenengo emisioak sentimendu nahasketa eragin zigun. Alde batetik, ezin dut ukatu halako atsekabe batek hartu ninduela publikorik gabeko aretoa ikustean eta musikariak behar bezalako distantziak mantenduz. Pandemiak dena inbadituko balu bezala da. Baina egia da, baita ere, musikalki emankizuna primeran hartu genuela. Berpizkunde bat izan zen, lehorte hilabete hauen ondoren. Azpimarratu behar da, bestalde, Europako orkestra gutxi ari direla lanean. Adibidez, Amsterdamgo Concertgebouw Orkestrak ekainaren 3an eta 5ean bi kontzertu streaming bidez emateko asmoa zuen, Gustavo Gimenoren zuzendaritzapean. Baina kasu gutxi dira.
Horrez gain, operaz ere gozatu dezakegu, OLBEren unerik onenak ikus ditzakegulako, elkarte horrek bere webgunean egiten dituen emisioen bidez. OLBE etxean izeneko ekimen honek operako une antologikoak eta dibulgazioko hitzaldiak helarazi nahi dizkie operazaleei.
Harrera oso ona izan duen ekimena da, eta hilabete hauetan programatutako operen ezeztapena arintzeaz gain, ziur zale gehiago sortzen lagundu duela.
Pixkanaka erritmo musikala berreskuratuko dugu, baina pazientzia izan beharko dugu. Udara begira, Donostiako Musika Hamabostaldiak kalitatea formatu txikian eta bertako artistekin eskainiko digu. Programaren iragarpenaren zain geratzen gara. Txikia izan arren, mundu bat irudituko zaigu.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]