Hego Euskal Herrian ezingo da plastikozko mahai tresnarik saldu 2021etik aurrera
Hondakinen legearen aurreproiektua onartuko du ekainaren 2an Espainiako Ministroen Kontseiluak eta baita Ekonomia Zirkularraren Estrategia 2030 ere. Hauek dira ezarriko dituzten neurrietako batzuk: derrigorra izango da iturriko ura eskaintzea tabernetan, eramateko janaria saltzen dutenek kobratu egin beharko dituzte plastikozko baso, tapa eta ontziak 2023tik aurrera eta ezingo da plastikozko pajitarik eta kubiertorik saldu 2021etik aurrera. Ipar Euskal Herrian aurten sartu da indarrean plastikozko mahai tresnak eta platerak debekatzen dituen Frantziako Gobernuaren legea.
Ekainaren 2an ekingo dio bideari hondakinen legearen aurreproiektuak, lege izatera iristeko. Egun eskura ditugun plastikozko tresna asko saltzea galeraziko du 2021eko uztailetik aurrera: pajitak, bastoitxoak, poliestirenozko zorroak...
Prestatutako janarietan zorroen salmenta %50 murriztu beharko da 2026rako, erreferentzia gisa 2022an salduko dituztenak hartuta. 2030erako %70 murriztu beharko dute zorro horien salmenta.
Iturriko ura sustatzen du legeak: taberna eta jatetxeek iturriko ura doan eskaini beharko dute derrigorrean, nahiz eta botilako urak ere eskaini. Administrazio publikoek ahalik gehien murriztu beharko dute botilako uraren kontsumoa beren egoitzetan. Osasun etxeetan eta eskoletan erabilera bakarreko botilak saldu ahalko dira, lege honen aurreproiektuaren arabera.
Ekonomia Zirkularraren Estrategiak 20 milioi tona murriztu nahi ditu 2030rako
2030erako 20 milioi tona hondakin murriztea du helburu, estatu osoan. Ekonomia Zirkularrak hierarkia bat ezartzen du hondakinak kudeatzeko, eta lehen maila prebentzioa da, ondoren berrerabilera, gero birziklapena, ondoren "balorizazioa" (hor sartzen dute errausketa ere) eta azkenik zabortegia. Besteak beste, hiri hondakinen %60 birziklatzea du helburuetako bat eta ekonomiak eragindako hondakinak %15 murriztea, 2010ean zenbatu ziren 137 milioi tona horietatik.
Eraikuntza sektorea da hondakinetan ekonomia jarduera kutsakorrenetakoa: baliabideen %40 kontsumitzen du eta hondakinen %40 sortzen du. Horregatik da lehentasunezkoa Estrategia Zirkularrarentzat, baita industria, turismoa eta oihalgintza industria ere.
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.