Baratzetik datozen izozkiak
Anhauzeko lursail batean frutarbolak eta landare usaintsuak landatu zituen 2017an Miren Harignordoquyk eta horietatik ateratakoekin izozkiak egiteari ekin dio udaberri honetan. Esnekirik eta gehigarririk gabe egiten ditu izozki ekologikoak. Horrela sortu da Milika proiektua.
Gaztetatik laborantzari lotutako ikasketak egin zituen Miren Harignordoquyk, eta lurrarekin harremanean egon da gerora ere: “Euskal Herriko Laborantza Ganbaran aritu nintzen teknikari lanean, eta hortik hasi nintzen laborantzan plantatzeko ideiarekin bueltaka”, dio. Hainbat etxaldetan bere burua frogatu eta zenbait ikastaro egin ondoren, azkenean, 2017an bere proiektua abiatzea erabaki zuen: Anhauzeko lursail batean frutarbolak eta landare usaintsuak landatu eta horietatik ateratakoekin izozkiak egiten hasi da. Horrela sortu da Milika proiektua.
Baratzetik hozkailura
Zuhaitzak eta fruitu txikiak landatu zituen Anhauzeko lursailean Harignordoquyk, eta orain hasi da horietako zenbaitetik fruituak jasotzen. “Gure eskualdean fruitu ekoizle gutxi da, eta nik gainera eraldatu egin nahi nuen, ez fruitu gordina eskaini. Erreximentak egiten dituztenak badira inguru hauetan, eta beste zerbait nahi nuen proposatu”. Han-hemen kuxkuxeatzen ibili eta gero bururatu zitzaion fruituekin izozkiak egiten has zitekeela. “Iaz hasi nintzen lehen fruitu txikiak jasotzen: masustak, mertxikak, pikuak...”. Hozkailuetan sartu eta udaberri honetan ekin dio fruitu horiekin izozkiak prestatu eta saltzeari.
Ekoizpen ekologikoan dihardu Anhauzeko laborariak, osasunarentzako eta ingurumenarentzako errespetuz ekoitzi nahi duelako. Eta bere izozkiek badute ohikoetatik ezberdintasunik: “Esnekirik gabe egiten ditut izozkiak, eta inolako gehigarririk ere ez dut erabiltzen”. Fruituak, ura, eta azukre pixka bat darabil izozkiak egiteko, ez besterik. “Hozkailutik fruitua atera, hezurra eta azalak kendu, xehatu eta fruitu purea ateratzen dut. Horri ura eta azukrea gehitu eta izozkia egiteko tresnara doa”. Ohiko izozkietan egonkortzaile ugari erabiltzen dira testura eta iraunkortasuna lortzeko, horiei guztiei uko egin die.
Inguruko mugimenduekin elkarlanean
Ekoitzi, eraldatu eta saldu, prozesu osoa berak egiten duela azaldu digu. “Izozkien zati bat zuzenean kontsumo taldeen eta AMAPen bidez saltzen dut, eta beste partea etxe ekoizle, saltoki edo biodenden bidez”. Inguruko kontsumo taldeekin duen harremanaz gain, Idoki Euskal Herriko Etxe Ekoizleen Elkarteko kide ere bada, eta fruituzainen taldeetan ere parte hartzen du. “Lurraldean badira elkarte eta mugimendu anitz, ene maneran parte hartzen ari naiz eta proiektua garatzeko haien laguntza ukan dut”. Etxaldean bertan ekoizten aritzeaz gain dinamika horietan parte hartzea garrantzitsua dela uste du. Lehen uda izanen du aurtengoa, eta jendeak bere izozkiak dastatzeko gogobeteta dago.
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]