Han goian, hodeien gainean, isil-isil dago dena. Glaziarraren kirrinka baino ez da entzuten. Untxi Txiki uretatik gertu jolasean ari da, pozik. ‘Lagundu!’, oihukatu du bat-batean. ‘Peter! Bob! Ahatetxo badoa!’. Anaiek di-da jauzi egin dute txalupara. ‘Bizkor! Harrapa dezagun betirako desagertu baino lehen!’”. Hauxe dugu Ibaian behera liburu honen hasiera, bizia, abenturari bidea emanez… baina irakurleak liburua irekitzean Untxi Txiki eta anaien berri izateaz gain mendiak, glaziarrak, ur korronteak, putreak, ahuntzak eta beste mila gauza ikusi ahal izango ditu.
Mendi tontorretatik gertu, izotza ur bilakatzen den putzu batean hasten da hiru anaien ibilbidea, eta orriek aurrera egin ahala itsaso zabaleraino iritsiko dira Ahatetxoren bila. Eta bidaia hori da, hain zuzen, liburu honen kontakizuna, nola doazen, batzuetan helburu argiaren atzetik, bestetan erdi galduta, txalupan, errekan barrena urari jarraiki.
Istorioak ez du misterio handirik, mendi tontorreko ur-lasterretatik itsaso zabaleraino bidaia eta bertan jazotakoak, ikusitakoak. Egia da era askotako abenturak izango dituztela Ahatetxoren bila, baita honen antzeko ehunka plastikozko ahatetxoren artean beraiena aurkitu beharra ere, baina liburuak duen baliorik handiena proposatzen digun –edo dizkigun, esan beharko genuke agian– jolasa da.
Izan ere hiru anaia untxiez gain liburuko orrietan badira beste protagonista batzuk: motorrez doazen txerriak, orein familia bat, Chuck oilaskoa, Celia beltxarga bere kumetxoekin,… eta pertsonaia horiek orri guztietan agertzen dira zerbait egiten, helburu baten bila, jendeari laguntzen edo inguruko paisaiak deskubritzen. Irakurleak Ahatetxoren bila doazen hiru anaiekin batera, eta hauen abenturez gain, pertsonaia hauek guztiak ezagutu eta egiten dutenaren berri izango du, baita orrietan ezkutuan ageri den barraskiloa aurkitzeko beharra ere.
Ibaian behera, beraz, jolas liburu bat dugu. Entretenigarria, polita, une atsegina igarotzeko aproposa, baita ibaien ibilbideaz ikasteko tresna guztiz aproposa. Mendi tontorretatik ur-jauzietara, industriaguneetatik landare-guneetara, herrietatik hirietara eramango baikaitu hiru anaien abenturak. Eta guk, haiekin batera, ederki disfrutatuko dugu abenturak jarraitzen, jolasten eta ikasten.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Igande goiza Tolstoiren ipuin bat irakurtzen pasa genuen, irakurtzen, euskaraz: “Zenbat lur behar du gizon batek?”. Eta Elena Odriozolaren marrazkiak ezagutu ditu Gulliverren abenturetan ikusi zituelako, Ipuinen harian gozatu. Diskotekero jartzen da gero, maiz, eta... [+]
Saria bost eguneko literatura-egonaldian parte hartzeko aukera izango da. Guztira hogei irabazle izango dira, eta ikastetxeak ere sarituko dituzte.
Gure semea irakurtzen hasi zelarik eskolan, bere adineko liburu bila aritu ginen. Horrela agertu zitzaigun etxean frantsesezko Sami et Julie font des crêpes (“Samik eta Juliek matahamiak egiten dituzte”), E. Massonaud eta T. Bontéren lana. Izenburua... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Haur eta gazteei zuzenduta euskaraz dagoen literatur azoka bakarra da Ikusi Mikusi, Saran egingo dute eta Euskal Herri osoko 33 eskolatako 1.396 ikaslek, familiek eta arloko profesionalek hartuko dute parte. "Hazi handiak ereiten ditugu haur eta gazte horiengan".
Gookapi.eus euskal ekoizpeneko marrazki bizidunen 1.000 minutu baino gehiago daude eskuragarri. 10 urtetik beherako haurrei zuzenduta dagoen euskarazko lehen plataforma interaktiboa da.
Geure Gelatik emakume idazleen liburu azoka ospatu da asteburuan Azkoitian. Hainbat liburu aurkezpen eta solaserako aukeren artean, haur eta gazte literatura izan dute hizketagai Jasone Osoro eta Alaine Agirre idazleek, Xabier Mendigurenek proposatutako hari muturrei segika.
Diktaduraren aurkako borrokaren eredua, kaiku bat janztea. Biktimen Oroimenezko Zentroan, Meliton Manzanas. Bakearen alde Ukrainari erasorako armak bidali (ez nekien eman, saldu, utzi, zer aditz jarri, bidali, tira, bidali). Eta haurrak: ama, egingo ditugu txisteak? Etxe bat... [+]
Irakurketa literarioak eskoletan duen lekua hobetzeko eta haur eta gazte literaturan bitartekari diren hezitzaileak trebatzeko ikastaroa antolatu du Galtzagorri elkarteak. Heziketa literarioaren gakoez eta irakurzaletasunarekiko grina pizteko formulaz galdetu diogu Galtzagorriko... [+]
Lizardi saria eskuratu zuen iaz Patxi Zubizarretaren lan honek; garai berria du gure arteko lehiaketarik zaharrenak eta aldaketako bat dugu bi urtean behin gazteentzako obra bat sarituko dela eta hurrengoan haurrentzakoa. Zerria gazteei zuzenduriko lana dugu, irakurle... [+]