Dena emanda
La Topadora taldea Enrikko Rubiños, Ruben Anton, Javier Etxeberria eta Luisillo Kalandraka musikarien proiektu berria da. Vendetta taldean aritutakoak dira laurak, eta haiekin Gaizka Otsoa elkartu da.
Jo eta su, topera, bete-betean, dena emanda. Halaxe hasi dira eta ariko dira. Vendetta taldeak agurra 2018 urtearen amaieran egin zuenetik, talde moduan atseden hartu, indarrak hartu, eta ilusio eta gogo handiarekin abiatu dute egitasmo berria: “Katuak bezalakoak gara, bizitza berri bakoitzean birmoldatu eta borrokara bueltatzen direnak. Bizitza berri bakoitzean lehenengoa balitz bezalako ilusio berdinarekin aritzen direnak”.
Hori antzematen da kantetan. Alaitasuna, bizipoza, kemena eta energia handia transmititzen dute, dantza egiteko eta mugitzeko gogoa. Bihurrikeria, asaldura, borroka, eta jaia ere bai.
Musika aldetik, Vendettarekin alderatuta, beste bide bati ekin diote, estilo jakin bati lotu gabe. Hainbat musika motatako kantak dira, eta besteak beste, rock, nu metal, ska, runba eta latino kutsuko doinuak entzun daitezke. Melodiak politak dira, kanta gehienak erritmo bizikoak, eta doinu elektrikoak eta akustikoak ederki uztartu dituzte.
Horien bidez, besteak beste, memoria historikoa aldarrikatzen dute, gertatutakoa ez ahazteko eta berriz ere gerta ez dadin, kritika eta salaketa egiten dute, zuzen edo ironiarekin, haien inguruko arazoei buruz mintzo dira, eta mezu positiboak ere igortzen dituzte (“udaberria beti heltzen da, dena kolorez betetzen du”).
Grabazio saioetan, Aaron DB Nafarroako Bourbon Kings taldeko abeslariak parte hartu du, El pensamiento en movimiento kantan, eta Argentinako La Skandalosa Tripulacion taldeak ere bai, La Topadora kantan. “Gure putzuz beste aldeko familia”, La Topadorako taldekideen hitzetan. Bidenabar, kanta horren bidez, Rodrigo Cara El Cebo La Skandalosa Tripulacion taldeko abeslariari eta kantaren egileari omenaldia egiten diote (2016an hil zen). Izan ere, La Topadora musika talde bat baino gehiago da: “Denborak indartu duen familia bat”.
Diskoa eskuratu bitartean internetez entzun daitezke kantak, YouTube plataforman eta Spotify musika zerbitzuaren bidez.
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]