Donostiako 140 etxe tokiko elikagai ekologikoz hornitzen
Gipuzkoako hamasei ekoizle ekologikok bat egin zuten konfinamendu hasieran Donostiako etxeetara tokiko produktu ekologikoak helarazteko. sareko.net plataforma lehendik sortua zuten, eta egoera berrira egokituta, Donostian etxez etxeko banaketa egiteari ekin diote. Denetariko produktuak eskatu daitezke plataforma horretan, denak bertakoak eta ekologikoak: barazkiak, sagardoa, esnekiak, gaztak, arrautzak, ogia, marmelada, pasta freskoa...
Gipuzkoako hamasei ekoizle ekologikok bat egin zuten konfinamendu hasieran Donostiako etxeetara tokiko produktu ekologikoak helarazteko. Ekoizle horiek bazuten lehendik haien arteko harremana, Euskadiko Nekazaritza Ekoizpen Ekologikoaren Kontseiluak (ENEEK) eta Gipuzkoako Biolur elkarteak ostalariei produktu ekologikoak eskaintzeko sortutako proiektu pilotua zela-eta. “Internetez eskaerak egiteko plataforma martxan zegoen jada, Sareko.net. Justu denda digital hori prest zegoen unean iritsi zen COVID-19aren krisi hau”, azaldu digu Asier Bastarrika Goiabe Sukaldeko ekoizleak eta proiektuko kideak.
Egoera berrira egokitutako tresna
Koronabirusak eragindako egoera berrian, eta ekoizleentzat beraien salmentak egitea nola zaildu zen ikusita, jada sortua zegoen plataforma horri beste erabilera bat ematea pentsatu zuten: “Krisi honen lehen bi asteetan antolatu ginen, plataforma erabilera berrirako moldatu eta elkarlanean hasi ginen Donostian banaketak egiten”. Proiektura batutako ekoizleen bidez, denetariko produktuak eskaintzen dizkiete familiei: barazkiak, sagardoa, esnekiak, gaztak, arrautzak, ogia, marmelada eta bestelako ontziratuak, pasta freskoa, eztia... “Jendeari erosketa ahalik eta zabalena egiteko aukera eman nahi diogu”.
Astean bitan egiten dute produktuen etxez etxeko banaketa. “Bi bide ditugu: Oria ingurutik biltzen ditugu produktuak alde batetik, eta Urolatik bestetik. Denak Hernanin bildu eta etxez-etxeko banaketa egiten dugu jarraian”. Familiek igande arte dute astearteko banaketarako eskaerak egiteko aukera, eta astearte iluntze arte ostiraleko banaketakoa egiteko. Erantzun oso ona jaso dute, pozik daude ekoizleak: 140 etxetan egin dituzte 220 banaketatik gora.
Kontsumoan aldaketa?
Tokiko produktu ekologikoak soilik eskaintzen dituzte Etxeko Azoka proiektuan, eta erantzun ona izan dutela ikusita, jendea krisi garaiotan kontsumo ohiturak aldatzen ari ote den galdetu diogu Bastarrikari. “Nik esango nuke zertxobait baietz, iruditzen zait kontsumo taldeak ere berpiztu direla egoera honetan. Ez dakit momentuko beldurra edo zer izan den, baina egia da jendarteak erantzuna eman dion kasik gauza bakarrenetakoa izan dela elikaduraren eta baserritarren gaia: lortu da azokak irekitzea adibidez”, dio.
Plataforma bidezko salmentak mantentzea lortzen badute aurrera begira ere funtzionatzen jarraitzeko asmoa dute proiektuko kideek. “Erraminta oso interesgarria da, denden eta kontsumo taldeen osagarria izan daitekeena”.
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]