Inor Ez Da Ilegala proiektuko irabazien erdia, manteroen erresistentzia kutxara
Dagoeneko, behar larrian diren 100 lagun baino gehiagorengana iritsi da Bizkaiko mantero senegaldarren erresistentzia kutxa. Ezin dute kalean saldu eta askok ez du paperik –alegia, administrazioek iragarritako laguntzetatik kanpo geratu dira–. Orain arte, kale-saltzaile senegaldarrek eta ARGIAk elkarlanean dugun "Inor ez da ilegala" proiektuko diru zati bat etorkizunean sortu nahi duten kooperatibarako gorde dute. Garaiotan, baina, proiektutik lortutako diru-sarrera berriak erresistentzia kutxara bideratzea erabaki dute.
“Kale-saltzaile asko egunekoarekin bizi dira, eta eguneroko hori erortzen denean, akabo. Askok, oraintxe bertan, ezin du alokairua ordaindu, ezin du jatekorik erosi… Mugikorretik ere ezin deitu dago jendea, saldorik ez duelako”, azaldu digu Mbolo Moye Doole kale-saltzaile senegaldarren elkarteko kide Khadim Sambek. Zorionez, herritar ugari dira erresistentzia kutxan ekarpena egiten ari direnak: “Hasi ginenetik ia 13.000 euro banatu ditugu eta 100 lagun baino gehiagorengana iritsi gara. Euskal Herrian babesa izaten ari gara, ez bakarrik jendeak dirua sartzen duelako, batzuek deitu egiten digute, ea zer moduz gauden galdetzeko, animoak emateko. Hori ere eskertzekoa da”.
Etorkizuna ere, ilun
Konfinamenduaren ostean arazoak ez dira bukatuko kale-saltzaileentzat. Batetik, egoera berriak salmentari eragingo diola ziur da Sambe: tabernetan, jatetxeetan… saldu ohi dutela dio, eta neurri berriek zaildu egingo dutela hori. Kalean ere, ez dute erraza izango: “Jendeak beldurra du eta askok ez digute erosi nahiko, kutsatuko ditugun beldur, edo erosten dizkiguten produktuak kutsatuta izango diren beldur”; aurreiritziak ez baitira gutxi.
“Jendeak beldurra du eta konfinamendu ostean ere askok ez digute erosi nahiko, kutsatuko ditugun beldur, edo erosten digutena kutsatuta izango den beldur”
Bestetik, lege bidegabeek ilegaltasunera, klandestinitatera eta prekarietatera kondenatuta ditu aspalditik migratzaileak, orain bezala, deskonfinamenduan ere. "Lan honetan ari gara besterik ez dugulako, ez nahi dugulako”, dio Sambek. Hona ailegatu eta hiru urtez ilegal aritu behar dute lanean, beltzean, ez dute beste aterabiderik, eta eta ondoren hasi dezakete lurraldean errotuta daudela frogatzeko prozesu luzea. Horregatik, pandemia egoera honetan, inongo babes ekonomikorik gabe geratu dira asko eta asko, ilegalak baitira administrazioarentzat. Paperek sarbidea emango liekete enplegua legalki lortzeko, kotizatu ahal izateko, bertan bizitzeko eskubidea izateko… eta horregatik “legalizazioa orain” kanpaina martxan da. Portugalen paperak eman dizkie gobernuak herrialdeko migratzaileei, gurean ordea ez dirudi horretarako asmorik dagoenik.
Inor Ez Da Ilegala
ARGIAk eta Mbolo Moye Doole elkarteak denbora daramagu "Inor ez da ilegala" proiektuan: kamisetak, jertseak, poltsak eta liburuak ditugu (Internet bidez, azoka.argia.eus helbidean eros ditzakezu), pertsona ilegalik ez dagoela ozen aldarrikatu eta bi proiektuok bultzatzeko helburuz. Salmenta bakoitzeko irabazien erdia ARGIA proiektua indartzeko da eta beste erdia berriz, Mbolok buruan duen kooperatiba aurrera ateratzeko. Bizi dugun egoeran, salmenta bakoitzeko irabazien erdia erresistentzia kutxara joango da orain.
Zuzenean ere egin daiteke ekarpena Mboloren erresistentzia kutxan. Bizkaiko SOS Arrazakeriaren izenean dagoen kontu korrontea eman dute (ES67 2095 0005 1838 3074 5829) eta kontzeptuan "Apoyo Mbolo" jarri behar da.
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko,... [+]
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.