Historia egitea
Derrigortutako konfinamenduaren hasieraren aurreko asteburuan izan zen Sexty Sexersen lehen eta azken kontzertua, etxean, Beran, Katakun, argi ez balego. Itzulera iragarri eta iragarri gabeko kontzertu bakarra izan da. Eta azkenean gainera, tamalez, egin ahal izan duten bakarra. Pandemia 1, eszena 0.
Aretoa beteta, ahoz aho iragarri arren ez zen sekretua. Beste hiru data zituzten beratarrek, eta guztietan zegoen Sarrerak Agortuta afixa paratuta. Psylocibekoa 10 minutu eskasetan. Online-aren desabantailak kanpoan geratu direnentzat.
Eta zer urrun dirudien, jendez eta zigarroz beteta, eta bolumen gehiegi eta izerdi sobera dagoen tabernan jotako kontzertua gogoratzeak. Luzaroan ez da errepikatuko, denontzat tamalez. Iluntze berri baten bila diskoko kantekin astindu zen gehien aretoa kontzertuko lehen hiru kantetan. Emozio asko ateratzeko zain.
2000. hamarkadan historia egin zuen Sexty Sexers taldeak. Nerabe, orduan tximaluzeak –orain ba tira, pixka bat soilduagoak, zer egingo diogu–, rock and roll amerikar eder eta bortitza egiten zuten. Handik atera da orain euskal eszenako pieza garrantzitsuenetakoa den Joseba B. Lenoir kosmikoa. Baina ez zen izar bakarreko taldea, eta horren lekuko Baleztenarik gabe egin zuten Zakillers spin off zoragarria, adibidez.
Baina zergatik diot historia egin zuela? Ez zen izan rock and rolla euskaraz egiten zuen lehen taldea –Koskakoek progresiboa egiten zuten frankismoan!–. Ez zen izan nik zer dakit zer disko zerrendatan gehien saldutakoen artean. Ezta kontzertu gehien emandakoak, edo anekdota gehien bildutakoak. Ez ziren ziurrenik ezertan izan lehenak.
Lerro hauetan askotan ekarri dugun Pelax taldea aritu zen euren aurretik. Eta esperotako mailarekin egin zuten astindua, Sextykoek baino errodaje handiagoarekin. Baina Pelaxekoak hor bazeuden, besteak beste, Sextykoak lehenago hor egon zirelako da. Nerabe zirenean miretsi zituztelako euskal rockero gazte hauek dira eurek orain rockero gazteak –Pelaxeko Ozaetaren lehen baxua Sextyko Xikerrek erabiltzen zuen bera izateraino, adibidez–.
Esan nahi dut, historia egiteak ez du zertan izan munduan lehenengo aldiz zerbait egitea. Historia egiteko gure manera ere egon daiteke. Eta historia egitea izan daiteke lerro batean puntu bat egitea.
Eta izan gabe futbol zelai bat bete duen lehen taldea, izan zaitezke musika maite duen gazte bat egotearen arrazoia. Inspirazio gisa aritzea. Ale bat gehiago izatea, ez besterik.
Urte askoan beraz Sextyz gozatu genuen guztiak! “Berriz galdetuko diat: Are you ready?!”
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.