Barneko arantzen doinuak
Saioaren kanta bat entzun eta berehala nabari da bera dela, bere kantatzeko eta kantak egiteko modu bereziarengatik. Bere ahots leuna eta hautsia. Bere barne mundua, gure barne munduaren ispilua izan daitekeena, gure barrura begiratzeko modu bat.
Saioa Garin Legorretako bakarlariaren laugarren diskoa ederra da. Beste zenbait istorio txiki, samur, hunkigarri eta gordin kontatzen ditu kantetan, baina Natura (2013), Matrioska Heart (2008) eta Particular Land (2007) aurreko diskoekin alderatuta, beste ukitu eta zertzelada batzuekin jantzi ditu kanta berriak. Horretarako, estimagarria izan da lagun hauen parte hartzea: Joseba Irazoki (gitarra elektrikoa, lapsteela, armonika, banjoa eta organ pedala), Felix Buff (bateria) eta Iñaki De Lucas (grabazioa, nahasketak eta masterizazioa). Saioak, abesteaz gain, gitarra akustikoa eta elektrikoa erabili ditu grabazio saioetan. Denen artean ederki jakin dute gauzatzen kanta bakoitzak behar zuena, eta ezin hobeto jantzi dituzte kanta guztiak, dotore eta fin, soberan egon litezkeen gehiegizko apaingarririk gabe.
Kantak lasaiak dira, baina indartsuagoak eta biziagoak diren pasarte batzuk ere badaude. Kanten bidez, barneko arantzak sentitzen dira, samina, kezkak, zalantzak, galderak, beldurrak, desioak: “Ebaki latzenaren atarian, ni bakarrik, ekaitz gupidagabearen gaitza” (Ekaitz gupidagabearen gaitza), “Ezezaguna den erantzunakin aurrez-aurrez ezin jarri, ixiltzen duzunak, jaten duzunak oihukatzen du: maite nahi dut!” (Oihukatzen du). Harremanen gazi-gezak: “Ta zu, aldiz, lubakian gordeta, belarriak estalirik eta soldaduz babesturik zure egi finkoei eutsiz” (Bakoitzak bereari), “Elkar begira gaude elkar ulertu gabe, gure hitzen esanahiak galbaheen mende daude” (Galbaheak).
Kantek, dena den, tristura eta atsekabea baino gehiago, baikortasun pixka bat transmititzen dute –“Biziminari eutsi ala trixturaz gaixotu, bizitza motza da hegoak ximurtzen uzteko” (Bizimina)–, eta horretarako asko laguntzen dute kantetan dauden melodia politek eta musika tresnekin egin dituzten moldaketek.
Saioaren Ateak diskoa Interneteko Bandcamp plataforman entzun eta eskura daiteke.
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]