Makinak, mezua eta gordintasuna kantuaren alde
.jpg)
Baga-Biga
Barakaldoko talde gazte eta aldi berean beterano honen sortzeak eta izateak oinarri handia dauka hip-hopean, izan ere, taldeko kideak 121 Krew, Norte Apache, Herri Oihua eta bestelako taldeetan ibilitakoak dira. Oso gazte hasi ziren kalean, eta ordutik ez diote inoiz utzi kontzientzia zabaldu eta borrokatzeari; are gehiago, beti estimulu eta sorkuntza bide desberdin asko berenganatzeko prest egon dira eta daude.
2014an bestelako ukitu aberatsa eman nahi izan zioten taldearen emaitzari: hip-hopa eta elektronika ezkonduz Genesis (Gaua) diskoa argitaratu zuten Aitor Abioren laguntzarekin eta hor datza aldaketa nabarmenaren hazia: Pilt eta Matxura taldeetan ibilitako eta Gaua estudioko arduradun Abio zuzeneko piztiari esker irauli zuten rap eta hip-hopean hain ohikoa den ahotsaren hegemonia, eta giro dantzagarri, batez ere gordin eta pisutsuei rapa batu zioten tarteka. 2016an grabatu zuten Kimera (Gaua) izeneko bigarren diskoa antzeko ildoan; eta 2018an Ultravioleta (Gaua) lan luzeak beste jauzi bat ekarri zuen, diskoak batzen dituen zortzi kantak Espainiako Estatuko zortzi soinu ekoizle desberdinekin grabatu baitzituzten. Eta diskoari dokumental bat gehitu zioten gainera.
Orain Lobotomiak lana dakarte beso azpian. Zulatzen elektronika lasai baina misteriotsua da. Lobotomia Steve Albiniren Big Blacken urgentzia, rapa eta erdi tempoak batzen dituen pieza kañeroa. R-k dantza egiteko elektro-rocka eskaintzen digu. Aukerak techno ilun eta musika industrialaren arteko lasterketa, garatuz doana. Mundo roto –guztiak bezala euskaraz– elektronika ilun eta indartsuari rapeatua. Gorrotoa makinen eta eskola zaharreko hip-hoparen arteko topagunea. Garrasi Maria Redondok borobildutako elektro-techno-pop pieza ederra. Moralaren salbatzaile eskola zaharreko hip-hopari keinua. Mailua-k erakutsi digu raggamuffina bortitza izan daitekeela, baita zikina ere. Adikzio berri bat da oinarri metaleroena duen hip-hop kanta itsaskorra. Eta, azkenik, 3,1416 gurpilaren ardatz eta espirala.
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.