Maitasunaz eta zuloez
Hamabost egun egin ditut Euskal Herrian barrena. Izpegin hasi eta Natxituan bukatu. Inoiz baino ordu gehiago egin ditut bakarrik, autoan, musika entzuten. Spotifyk oroitarazi dit behin eta berriro entzun ditudala Willis Drummonden Lehentasuna eta Anariren Epilogoa; Cigarettes after sexen Falling in Love eta The Retrosettesen You got the love kantaren bertsio bat. Maitasuna eta hutsunea zeinen lotuta dauden pentsatu dut, gauza bera ez ote diren tarteka, ez al da maitatzea gure baitako zuloa estaltzeko modurik errazena. Andoaingo aparkaleku batean nago, Bilatzailean Lorelei idatzi eta duela hogei urteko bi disko atera dira. Hitzekin akordatzen naizela egiaztatu dut. Kontzerturako sarrerak poltsan daramatzat. Bada hiri gorri bat kantatzen genuen garai batean. Poema prebisibleak idazten genituen, txarrak ez esateagatik. Orduan ere maitasunaz eta hutsuneez idazten genuen. Gure obsesioak ez dira aldatu. Gure lagunak ere ez. Ahotsa aldatu zaiola esateko deitu dit Asier Serranok. “Ez naiz akordatzen nolakoa zenuen ahotsa orduan”, esan diot. Bakarrik akordatzen naiz tristurarako joera gogaikarri bat genuela. Orain ere bai.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.
Irudi batek mila hitzek baino gehiago balio omen du. Pascual Serrano kazetari eta idazleari irakurri nion ez dagoela hori baino gezur handiagorik. Duela hamar urte pasa idatzi zuen hori, irudiak berba osorik jan behar zuela ikusten hasiak ginenean. Tira, gezurtatu daitezkeela... [+]
Sexu-langileen Nazioarteko Egunaren harira, sexu-langilea den kide batek estigma apurtzeko tailer bat eskaini zuen ekainaren 2an. Kideak oinarrizkoa den eta agian horregatik horren presente ez dugun auzi bati heldu zion: gauza bat dela zerbait baimenik gabe egin diezazuten eta... [+]
Etorkizun laburrekoak kezkatuago gaude etorkizunarekin etorkizun luzekoak baino. Bizitzaren CCCLXIX. legea da. Aho-korapiloa ematen du, bizitzaren legeak, ordea, ez ditut nik idazten, bizitzak berak baizik.
Lege horrek, taxuzko lege guztien antzera, salbuespenak baditu, baina... [+]
Lehengoan mezu bat idatzi nion METAri. Di-da, pentsatu eta egin. Mark Zuckerbergek ez du lorik egin ordutik, ez baitzen edozelako mezua izan, lehor samar idatzi nion. Borde, ia. Instagrameko bideo baten bidez jakin nuen METAk bere erabiltzaileek partekatutako informazioa... [+]