Burujabetza proiektuen komentua
Bederatzi heldu eta lau adin txikiko bizi dira Amaraunan. Hiru hektarea inguruko lursaila ere badu komentuak: fruitu-arbola ugari eta baratzea dituzte bertan.
Duela zenbait urte mojek alde egin zutenean hutsik gelditu zen Ziordiako komentu zaharra. 2015ean lau lagun jarri ziren ondoko eraikinean bizitzen, eta erdi oharkabean gaur egun proiektu kolektibo bihurtu den Amarauna gunearen lehen pausoak eman zituzten: “Lagun baten bitartez jakin genuen mojek joan egin behar zutela eta komentua zaintzeko norbaiten bila zebiltzala”, esan du Jordi Arbizu kideak. Hasiera batean lagunen arteko elkarbizitza proiektua izan behar zuenak beste forma bat hartu zuen segituan.
Bizitokia baino gehiago
Bederatzi heldu eta lau adin txikiko bizi dira gaur egun Amaraunan. Guztiak dira proiektuko asanbladako kide, eta guztien artean arduratzen dira espazioa kudeatzeaz. “Bazkideak ere badaude, eta horiek ere espazioa darabilte bai erabilera pertsonal eta baita ere kolektiborako”. 30 bat lagun dira guztira eraikineko bazkide, eta bestelako taldeentzat zabalik dituzte ateak.
Ekologismotik, feminismoetatik nahiz herri mugimenduko beste esparru batzuetatik iritsi den jendeak osatzen du proiektua. “Beste erlazio mota batzuk jorratu nahi ditugu hemen, eta Euskal Herriko kolektiboei erreminta eskaintzea ere bada gure helburua: kanpaldiak, egonaldiak eta horrelakoak egiteko gune bat ematea”, dio Arbizuk.
Lurra lantzen
Eraikin zabalaz gain, hiru hektarea inguruko lursaila du komentuak: fruitu-arbola asko eta baratzea egiteko lurrak dituzte bertan. “Hasiera batean baratze pertsonalak eta baratze komunal bat izan genituen martxan, baina gaur egun kolektiboko bi pertsona ari dira baratzegintza ekologikoan lanean, bizibidea hori dutela”. Amaraunera joaten diren taldeei baratzeko elikagaiekin prestatzen dizkiete otorduak askotan. Fruitu-arbolen zaintza, berriz, denen artean egiten dute.
Lehen lau urteak urteroko alokairu kontratuak sinatuz eta berrituz pasatu ondoren, aurten apustu handia egitea erabaki dute proiektuko kideek. Gunea saltzera ateratzekoa zen, eta zalantza eta eztabaida askoren ondoren, erostea erabaki dute: “Ez zen hasierako gure asmoa, baina urteotako ibilbidearen ondoren ikusi dugu jendea pozik dagoela, proiektua funtzionatzen ari dela eta espazioa mantentzeko gai garela”. Bankuekin zorpetu gabe erosketa egitea da euren erronka, orain. Proiektua babestu eta laguntzeko proposamena luzatu diete pertsona nahiz kolektiboei: espazioa erabiliz, ekarpen ekonomikoak eginez, proiektua zabalduz… Amaraunaziordia.wordpress.com helbidean dago informazio guztia.
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]