Jirafak jauregian
Ignacio Goitia artista bilbotarraren obra ezagutzen ez duenak sorpresa handia hartuko du Rekalde aretotik osteratxoa egiten badu, orain arte bisitari bakar bat ere epel utzi ez duen erakusketa Bilbo erdiguneko galeria horretan baitago, urtarrilaren 26ra arte. Esan daiteke Goitiak xehetasun handiz margotzen dituela munduko eraikin arranditsuenak, formatu handiko koadroetan, errealismo koloretsuz. Esan daiteke, halaber, animaliak pintatzeko zalea dela, jirafak, elefanteak eta zaldiak.
Kontua da elementu horiek koadro berean uztartzen dituela, naturaltasun osoz, ezinezkoak diren eszenak bene-benetakoak balira legez agertuz. Jauregi dotore bateko egongela apainduan pare bat jirafa hormetako koadroak begiratzen egon daitezkeela sinesgarri egiten zaio ikusleari, hain dira irudi errealistak. Edo hiri hutsetako kale geometrikoetan zaldun ingelesak, txakur eta guzti, harro-harro paseoan.
Maiz bidaiatzen du Ignacio Goitiak; hiri handiak, giro berriak ezagutzea atsegin du. Bidaietan ikusitako guztia xurgatu, eta itxuraz absurduak diruditen eszenetan nahasten du. Ezarritako ordena artearen bidez apurtzeko gogoa du, sinboloei, arkitekturari, hirietako espazioari eta botereari alternatibak bilatzen dizkie, teknika klasiko eta landuari uko egin gabe.
Aukeratzen dituen figurak koadroz koadro eramaten ditu, eszena desberdin baina errepikakorretan. Jirafak daude serie batean, Amerikako Estatu Batuetako telesailetako itxura duten poliziak beste batean, pertsonaia aristokratikoak, larruzko arropaz jantzitako gizon erdi biluziak... Azken horiek Kaliforniako San Frantziskon ikusitako Folsom Street Fair topaketan ezagutu zituen; haien naturaltasun eta desinhibizioak liluratu egin zuen Goitia. Koadroetan, lasai asko ageri dira kalean hizketan, museoan zein jauregiko alfonbra garestiaren gainean, guztiz integraturik.
Izatez, atzera begirako erakusketa da, Ignacio Goitiak 1988tik gaur arte egin duen ibilbide artistikoaren lagin esanguratsua bildu baitute Rekaldeko arduradunek, Goitiaren beraren laguntzaz. Artista honen estilo bitxia eta koadroetako detaile harrigarriak ezagutzeko aukera paregabea da, eta, gainera, sartzea doan da.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Donostian jaioa, urte mordoxka bat Alkizan eman zituen bizitzen, baserri batean. Inguratzen zuen naturak lilura sortzen zion. Margolari gisa egin da ezagun, nagusiki.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Bussum (Herbehereak), 1891ko azaroaren 15a. Johanna Bongerrek (1862-1925) zera idatzi zuen bere egunerokoan: “Urte eta erdiz lurreko emakumerik zoriontsuena izan nintzen. Amets luze eta zoragarria izan zen, amestu litekeen ederrena. Eta ondoren sufrimendu izugarri hau... [+]
Hilma af Klint (Solna, 1862 – Danderyd, 1944) artista suediarra pintura abstraktuaren sortzailetzat jotzen da egun, baina Vasili Kandinskiren aurretik, bere obra abstraktua ezkutuan izan zen 1980ko hamarkadaren erdira arte. Milaka margolan, testu eta koaderno sekretupean... [+]
Klimaren aldeko ekintzaile batzuek Van Goghen Ekiloreak koadroari zopa poto bat jaurtitzeaz, lehenbizi, zera esan behar da: munduko intentziorik onenarekin egindako ekintza izan dela. Bigarrenik berriz, aurrekoari erantsi behar zaio munduko intentziorik onenak ez duela askorik... [+]
Johannes Vermeer margolariaren artelan ezaguna eskaneatu dutenean ezusteko elementu batzuk azaldu dira, egileak gero kendutakoak.
Stockholm (Suedia) 1896. Hilma Af Klint (1862-1944) margolariak eta beste lau lagun artistek boskote bat osatu zuten espiritismo saioak egiteko. Saio horietan oinarrituta, idazketa eta pintura automatikoan jarduten zuten taldekideek. Handik urte batzuetara, Klintek... [+]
San Telmo Museoak Amable Ariasen (1927-1984) 61 akuarela eta 43 marrazki jaso ditu dohaintzan, artistak azken 14 urteetan bikotekide izan zuen Maru Rizoren eskutik. Teatro Principal (Antzoki Zaharra) izeneko serie horrekin erakusketa egiteko asmoa dute datorren urtean,... [+]
Laster beteko dira 50 urte Iruñeko Topaketek hiriburua hartu zutenetik. Huarte enpresari familiak finantzatuta, mundu osoko arte garaikidearen erakusgarri izan zen hiria 1972ko uda hasieran, astebetez. Baina arteaz gain, garaiko tentsio politikoen isla ere izan zen... [+]
Bilboko erdigunean etxarte baten bila nabil. San Mames Zumarkaleko 11. zenbakian kale-kantoi urdinxka bat omen dago, eta, bertan, ezohiko arte-galeria bat. Galdu samar nabil bi dendaren artean hondo urdinean El Callejon Zollo. Molcris idatzita ikusi dudan arte. Pasadizoa igaro... [+]
Mikel Taberna idazlea elkarrizketatu dute Xorroxin irratian. Arkanbele kantak (2021, Susa) poema-liburua eta Ignacio Larra margolariak Beran ikusgai duen erakusketa izan dituzte mintzagai.
Eusko Jaurlaritzak, Bizkaiko Foru Aldundiak eta Bilboko Udalak 300.000 euro ordaindu dituzte lana Madrildik Euskal Herrira ekartzeko. Ekainean, José de la Mano galeristak eraman zuen Madrilgo Arco erakusketara.
Picassoren Guernica obra Euskal Herrira ekartzeko aldarrikapen gisa egin zuen Ibarrolak Guernica Gernikara mihisea. Madrilgo Arco erakusketara eramango dute orain, 1981etik gordeta egon ondoren.