Apartheid izeneko tranbia
Andrés Arizkorreta CAFeko presidente exekutiboak irailaren 29an El Diario Vasco-ri emandako elkarrizketa batean zioen nazioarteko legediari begiraturik Jerusalemgo tranbiak ez duela eragozpenik. Beharbada, tranbiaren bagoiak berak ez dira ilegalak, ez dakit tranbiak ibili beharreko trenbidea bera ere ilegala den, hitz-jokoak dira azken batean, izan ere, badaezpada, Andrés: tranbia horrek Jerusalemekin lotu behar dituen koloniak bai dira ilegalak. Ooooso ilegalak nazioarteko legediaren arabera.
Horregatik langile batzordeak eskatu du CAFek ez dezala fabrikatu tranbia hori. Ez da borroka erraza izango, eta langile horiek dira aldi berean borroka horren indar nagusia, baita kapitalaren erasoaren jomuga ere. Gure dilista platera ukitzen ez dutenean erraza da solidarioa izatea, baina hemen horrexekin mehatxu egiten du Andrés Arizkorretaren talde exekutiboak. Tira, mehatxu ez, informatu egiten du.
CAF maiz agertu da El Diario Vasco zein EITBren publi-erreportajeetan, milaka pertsonei lana eman eta bizimodua aurrera ateratzen laguntzen dien euskal enpresa handi gisan, esan gabe doa, “puntako”, “mundu mailako” eta kalitatezko Q handi batekin. Pentsa, 500 milioi euro daude jokoan Jerusalemen, langileok, denontzako lana, aberastasuna, etorkizuna. Eta fabrikatu ezean, berriz, badakizue, beharbada lanpostu batzuk kolokan, eta pertsona batzuek aza jaten bukatuko dute hurrengo urtezahar gaua. Egoeraren berri ematen ari gatzaizkizue, besterik ez.
Hala egongo ote dira Jerusalemgo tranbia fabrikatzeari uko egin dioten Veolia eta Alstom enpresetako langileak, Andrés? Izan ere, Andrés, kasu honetan, behintzat, 500 milioi euroko kontratua lortzeko bi lehiakide handi apartatu izana lagungarri izan da, ezta?
Enpresa batean garrantzitsuak dira inbertsioa, ikerkuntza, lantaldeak, teknologia, lehiakortasuna, konpromisoa, ekologismoa eta kalitatezko Q handi bat izatea. Baina, letrarik ederrena, CAFeko langileek merezi dute: elkartasunaren E handi bat. Lagundu ditzagun borroka honetan, sentitu dezatela CAFeko nagusiek langileez gain, herritar gehienon gaitzespena.
Ekialdeko Jerusalemgo eta Zisjordaniako okupazioa ilegala da; kolono sionistek lurra, ura eta bideak lapurtzen dituzte ilegalki, harresi erraldoi bat ere eraiki dute koloniak babesteko. Eta orain tranbia hau nahi dute palestinar lurraldea areago zatikatu eta bizi-ezin bilakatzeko. Ez diezaiegun eusko labelik eman.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]