Gorriaren kolore desberdinak
Azaroan euria bezain maiz entzuten dira bertsoak Iruñean. Bertsoaroa da. Urtez urte, udazkena piztera etorri ohi da ordu aldaketak arratsaldeak ilundutako hirira. Eta egia esan, iruindar euskaldun askoren zita bihurtu da, urtero huts egiten ez duten horietakoa. Berdin da astearte iluntze heze eta triste samarra izatea, Bertsoaroako aretoak bete egiten dira beti. Bertsoak, baina, ez dira beti bakarrik etortzen; hitzaldi, antzerki, kantaldi, eta abarretan kamuflatu ohi dira saio askotan. Aurten bertsoa eta flamenkoa eskutik helduta iritsi dira azaroan, Miren Amurizak eta Askoa Etxebarrietak sortutako Gorria ikuskizunak estreinaldia izan baitu Iruñean.
Zazpi esanahi omen ditu gorri hitzak, gure mundu gorriari begiratzeko zazpi adiera. Hiztegiaren definizioak zabaldu eta are gehiago erakutsi nahi izan zuten Miren Amurizak eta Askoa Etxebarrietak. Hala, gorriz tintatutako hitz eta erritmoak erabili zituzten biolentziari, ahizpatasunari, sexualitateari edota emakume erreferenteei buruz hitz egiteko. Zazpi atalek osatzen dute ikuskizuna, bertsoa eta flamenkoa bidelagun. Sentimenduen zerbitzura jarri dituzte bien adierazpideak, esan zutenez, fusioa egin baino, bi diziplinak hurbiltzeko saiakeran. Elkar ulertzeko elkarrizketa moduko bat, beraz. Ikusleak ez baitu aurkituko bertsoa ulertzen dugun moduan, ezta ohiko flamenkoa ere. Bertsoa flamenko erritmotara gerturatua, eta flamenkoa bertso neurritara mugatua.
Bertso doinu zaharrek eta koplek hartu zuten Kondestable, argi-ilun gorrixken jokoak lagunduta. Aulkiak beteta patioan eta lehen pisuan, jendea lurrean eserita zutabeen alboetan. Ahots goxoz gidatu zuen Amurizak emanaldia, ahots indartsuz defendatu Etxebarrietaren takoi kolpeei jarritako hitzak. Gorri eta biluzik, lehen aldiak ez dira errazak izaten, eta zenbaitetan urduritasuna nabaritu zen, baina entzuleek esker onez hartu zuten artisten zintzotasuna. Askoari erosoago ikusten zitzaion dantzan, emozionatuta, dakiena egiten. Ez du ezizen txarra, La Pulga. Pena da patioko aulkietan zeuden ikusleek dantzariaren oin kolpe oro ikusi ezina, Gasteizko urakan txikia gertutik ikusteak merezi baitu zinez. Giroa berotzen joan zen zazpi ataletan barrena, kaleko hotz.
Estreinaldia amaitzeko loreak –gorriak noski–, eskerrak, koplak eta txaloak. Lehen proba pasa izanaren zoriontasuna eta zerbait desberdina dastatu izanaren beroa. Gorrian oraindik zantzu berderen bat egonagatik, izanen du heldutzeko denbora bi artista langile hauen eskuetan. Proposamen umil eta interesgarria dakarkigute Amurizak eta Etxebarrietak, gorriaren paleta bertso eta flamenkoz aberastu asmoz.
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
XV. Kopla Txapelketa
Non: Hiruputzu gaztetxean (Zarautz)
Noiz: Abenduaren 22an
Koblakariak: Aner Peritz, Oier Aizpurua, Alaia Martin, Jexux Mari Irazu, Etxahun Lekue, Aitor Bizkarra, Eneritz Artetxe, Maider Arregi, Joanes Illarregi eta Oihana Arana.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
Ricardo Urritzola ikerlariak aurkitu du bertso sorta Nafarroako Errege Artxiboan eta Ekaitz Santaziliak Nafarroako Unibertsitate Publikoko irakasleek aztertu ditu. Fermin Altxu Beristain maisuari leporatutako salaketa baten harira idatzi ziren.
EitbNet-eko zuzendaritzako kide baten agindua izan da, Unai Urruzuno EH Bilduko legebiltzarkidearen arabera, Euskadi Irratiko Faktoria saioan ostiralean Arzallusek kantatutako bertsoak saretik kentzea; Parot euskal preso askatu berriari buruzkoak ziren. EH Bilduk azalpenak... [+]
Danel Goikolea Arrasateko bertsolaria urtarrilaren 14an joan da. Hil baino ordu batzuk lehenago, bertso sorta kantatu hau zabaldu zuen lagunen artean. Umore handia darabil eta Pablo Milanesen Yolanda kantu ezagunaren hoskidetasunarekin jolasten du: Holanda du izenburu sortak,... [+]
Udazkena bertso saioz josia ukanen dute Lapurdi, Nafarroa Beherea eta Zuberoako bertsozaleek. Xilabaren finala Donibane Lohizunen iraganen da azaroaren 13an.
Bertsularien Lagunak Elkarteak jakitera eman ditu I. Aitor Sarasua bertsopaper lehiaketaren irabazleak: helduen mailan Ander Fuentes Mujikaren bertso sorta izan da saritua, eta gazteen mailan Nahia Etxeberri Lopepe. Bigarren eta hirugarren saria jaso dute, helduen mailan... [+]
Luis Otamendi Aiako bertsolaria hil da. Azken agurra Zarauzko beilatokian egingo zaio urtarrilaren 4an, goizeko 10:00etan.
Konfinamendu aro hau arintzeko aukera bat izan daiteke bertso zaharrak entzutea, eta horregatik, Xenpelarren "Miseriaren adarrak" bertso sorta berreskuratu eta musikatu egin dugu, nahi duzuenean entzuteko.
Eneko Abasolo “Abarkas”, Nerea Elustondo eta Eneko Fernandez bat-batean aritu dira bertsotan apirilaren 1ean, nor bere etxetik. Saioa hemen dago entzungai.
