Makarenko eta ukabilkada
1957an egin zen Sao Pauloko Nazioarteko Eskulturaren IV Bienalean hamar lan aurkeztu behar zituen artista bakoitzak. Jorge Oteizak ordea, 28 eraman zituen: “Eskatu zenizkidaten hamar eskulturekin hemen egotea imajinatu dut nire burua. Egiatan, bat baino ez da. Pentsamendu bakarra Estatua proiektatzeko, espazioaren desokupazio aktibo gisa, unitate formal irekien arteko fusioagatik”.
Pelax taldeko kideek ere, streaming kulturak ekartzen dituen utzikerien eta errazkerien kontra, formatu bera bihurtu dute artelan. A eta B kantuz osaturiko 20 minutu inguruko bi piezako lana argitaratu dute udaberrian, ondoren D eta E aldeekin aurreko lanari osotasuna emanez. Oteizak egin bezala, ordea, artelan bakar baten gisara hartu behar dugu. Disko bikoitza baino, disko bakar baten bi urrats izan ditugu hemen.
Eta urtea borobil amaitu dute: kontzertua amaitu eta eskuak apurtu arte zutiaraziz zaleak. Horren alde zuten plaza; Egiako Gazteszenan, sarrera denak agortuta, gertatutakoa berezia izango zela bazekiten 300 bat lagunen aurrean.
Urte bereziak amaiera berezia behar. Entzuleak eserita eta ohiko lau taldekideez gain oholtzan zen Telmo Trenor beat-maker ezaguna sintetizagailu eta samplerrekin jolasteko. Beste aldean Nagore Legarreta eta Iñaki Rifaterra artistek, pintura eta argazki proiekzioen bidez inprobisatutako artelana egin zuten: kantuekin batera aldatzen zen artelana. Uneren batean gehiago gustatuko zitzaizun, ostean gutxiago. Etengabeko garapen inprobisatuak hori dakar, “ahaztu zenekiena, gozatu oraina”.
Gaua borobiltzeko Malen Otxoaren bideoa ikusteko aukera izan zen. Urte osoan taldearen irudiak batu ditu Otxoak, lokalean, estudioan, furgonetan, kontzertuetara bidean... dena ez baitira argiak eta txaloak. Atzetik dagoen lana ederki aurkeztu zen. Entzun genuenez Otxoaren lehen lana izan zen, baina espero dugu azkena ez izatea.
Eta guztiaren gainetik musika. Lokalean orduak eta orduak eman dituen boskoteak egurra eman zuen, baita ondo eman ere; dena maisuki jota, indartsu eta detailez josia, ia geratu gabe, King Crimsomen 21st Century Schizoid Man-en bertsioa barne. Jaione Dagdrømmerrek ondo adierazi bezala, boxeo zelai batera bezala atera ziren denak, borroka egin eta irabazteko prest. Aspaldi ez dela horrelakorik ikusi underground eszenan.
“Ez zenuen Makarenkoren berririk izan ukabilkada jaso arte”, abestuz bukatu zuten. Datozen urteetarako poema pedagogiko ederra ari dira sortzen Pelaxtarrak. Eta ukabilkada mordoxka bat ere, gauzak beste manera batean egitea beharrezkoa izateaz gain posible ere badela erakutsiz. Eta puskaz desiragarriagoa ere.
Amaia Ocaren argazkiak:
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.