Zinema eta nekazaritza lotu ditu Zinelur zikloak
Azaroaren 5etik 7ra zinema ziklo berezia egin dute Nafarroako Filmotekan, INTIAk eta Reyno Gourmetek antolatuta: Zinelur. Nekazaritzari eta elikadurari lotutako hainbat dokumentalen proiekzioak eta eztabaidak izan dituzte Iruñean, landa eremuaren eta hiriaren artean zubiak eraikitzeko.
Erdi-kasualitatez sortutako proiektua
Patxi Uriz zinemagile nafarrarekin egin zuten topo duela zenbait hilabete INTIAko kideek. Tuterako mejanako azken baratzezainen inguruko dokumentalaren grabaketan buru belarri zebilen Uriz, eta INTIA institutuko kideei bururatu zitzaien interesgarria litzatekeela hurbileko pertsona horren bidez ziklo bat antolatzea.
Zinemagilea bera izan da hiru egunetako pelikulak proposatu dituenak. “Guk nekazaritzaz zerbait badakigu agian, baina zinemagintzaz oso gutxi” azaldu du Juanma Intxaurrandieta INTIAko kideak. Institutu honetako teknikariak eta langileak aritu dira Urizekin elkarlanean Zinelur zikloaren lehen edizioa antolatzen.
Landa eremuko errealitate gordina erakusgai
Egun bakoitzean pelikula dokumental baten proiekzioa, aurkezpena eta eztabaida izan dituzte Nafarroako Filmotekan. Lehen egunean Desde que el mundo es mundo dokumentala bota zuten, Gaztela Leongo nekazari familia baten istorioa kontatzen duen filma. Bigarrenean, Aroak pelikula izan zen gonbidatua: “Bizkaian filmatutako pelikula da hau, hamar pertsonen esperientzien bidez azken belaunaldietan nekazaritzan eta landa eremuan egon den bilakaeraz dihardu”. Azkeneko egunean Patxi Urizen Los últimos de la mejana-ren txanda izan zen. Dokumentalen zuzendariak eta protagonistak zikloan bertan izan dira, eta eztabaida interesgarriak sortu dira proiekzioen ondoren.
Hiru pelikulek nekazaritzaren eta landa eremuaren egungo errealitate gordina erakusten dutela adierazi digu antolatzaileak eta ikuspegi nahiko nostalgikoa dutela. Hurrengo edizioetan alternatiben inguruan solastatzeko aukera izanen dutela gehitu du: “Nik pentsatu nahi dut oraingo errealitate zail hori ez dela betiko joera bat izanen eta hemendik aurrera pixkanaka sortuko ditugula bide berriak”.
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]