Euskaldun txapeldun eta fededun
Ezagun batek kalean harrituta: “Piter, zu txapela jantzita?”. Harrituago ni, gaztetatik jantzi izan baitut neguetan. Aspaldian euskaldun gehienek ibiltzen zuten. Orain salbuespen tankera du.
Elkarren ondoan afaltzen, euskal rock musikari famatu batek galdetu zidan: “Horren argia izanik, nola izan haiteke sinestun? Agnostiko behar huke”. Argitzat ematea eskertuta, erantzuna berehala: “Sinestun zintzo guztiak bezala, agnostikoa nauk”. Lehenago gure paisaia erlijiosoa uniformea zen. Egun ez da paisaiarik ere ikusten.
Uste baino ustegabeko uste gehiago ditugu pertsonengan adabatuta. Nik badut ongi errotutako ustea: borroka batzuk ezin irabaztekoak diren arren, haien alde saiatzea ona dela norberarentzat eta humanitatearentzat.
* * *
Arte zalea naiz, arbolaren eta artisten artearena ere bai. Hark ez dit arazorik sortzen. Honek zer pentsa handiak ematen dizkit, bereziki ustezko artistak saltzaile sentitzen ditudanean, diskurtsu sasi-filosofiko merkeak barra-barra zabaltzen “txanpon baten truke”.
Jon Bienzobas etakide ohiaren arte erakusketak zerasana eman du. Eusko Jaurlaritzaren ordezkariak “inperatibo etikoa” aipatu du horren itxiera eskatzeko. Cristina Iglesiasek Donostiako Santa Klara irlako faroetxean jarri behar duen interbenzio horri, berriz, goraipamen eta diru publiko handiak eskaini zaizkio.
Solidario, aurrerazale, ekologiko eta nahi diren komenientzia topiko guztiak esan arren, inozokeriek pertsonak inozo bihurtzen dituzte eta kaltegarriak dira denontzat
Bienzobas espetxean dago. Preso bat margoketan aritzea, kartzelaren zentzu berrezitzailearekin ongi dator. Itsas arrokez inguratutako uharte batean faro etxea hustea eta milioi bat euro, gutxienez, xahutzea, barruan itsas arrokak imitatuko dituen eskultura moduko bat kokatzeko ez zait berri ona iruditzen. Ezta itsasoen egoeraren inguruan erreflesionatzeko bide emango duela esanda ere. Hobe Itsasoari begira sasi-arrokei baino –farotik ederki ikusten da eta zientoka arroka ere bai–. Eta askoz hobe Donostiako su artifizialen kalteez erreflesionatzea, oso kutsatzaileak direlako.
* * *
Beste uste bat ere badut: solidario, aurrerazale, ekologiko eta nahi diren komenientzia topiko guztiak esan arren, inozokeriek pertsonak inozo bihurtzen dituzte eta kaltegarriak dira denontzat.
Palestinan, kristau fededunen maisuaren jaioterrian, CAFek egin nahi dituen metroko bagoi horietarako ez omen da inperatibo etikorik. Han suak ez dira artifizialak, benetakoak baizik. Txapeldun fededun agnostiko temosoa naiz. Antigoalekoa.
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Aurten 1.500 ardi inguruk zeharkatu dute Kale Nagusia, bost artaldetan banatuta. Idiazabal Gaztaren denboraldi berriaren aurkezpen ofiziala egin da, udaletxean. Garena Jatetxeko Julen Bazek eta Peli Perez de Anuzitak moztu dute gazta.
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]
Asteartetik asteazkenerako gauean familiaren etxearen aurka bi bengala bota dituztela jakinarazi du Fagor kooperatibako jasangarritasun arduradunak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Ekintza sorta ugariko bi eguneko egitaraua eduki dute bertaratu diren irakurleek: besteak beste, liburu azoka, ikuskizunak, tailerrak eta mahai-inguruak izan dituzte. Maider Elcano koordinatzailearen ustez, Biltzarraren indarra idazleei eta sortzaileei lekua ematen dien... [+]
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.