Errigoraren eskutik sortu da Agerraldia taldea
Talde sortu berriak Nafarroako erdialdean eta hegoaldean eragin nahi du. Errigora egitasmoaren harreman sarea eta diru iturria baliatuko ditu euskararen ezagutza, erabilera eta euskararen aldeko jarrerak bultzatzeko.
Errigora elkarteak elikadura burujabetza eta euskara lotzen ditu. Nafarroako hainbat elikagai saltzen ditu eta euskararen inguruan lanean ari diren eragileentzat dirua jasotzen du. Elkarteak bazuen kezka bat: euskararen aldeko Euskarari Puzka kanpaina bertan behera geratuko balitz zer geldituko litzateke Nafarroako erdialdean eta hegoaldean?
Hala, euskarara bideratutako taldea sortzea erabaki dute eta duela oso gutxi abian da. Euskaltzaleak eta euskaldunak bildu dira, asko euskaltegietako eta ikastola inguruko nafarrak. Hasi dira lanean, eta hainbat herritan Agerraldia taldea aurkeztu dute. Taldearen berri emateaz gain, haien herrian euskara bultzatzeko zein behar dituzten gogoetatzeko eta aztertzeko eskatu diete. Haizea Lizarbe tafallarra Agerraldiako partaideetako bat da eta berak azaldu digu mota askotako eskaerak espero dituztela. Herri batek euskararen aldeko lasterketa prestatu nahi izango du; beste batek formazio ikastaroa eskatuko du. Herriaren neurria gainditu eta geografia zabalagoan antolatzekoak ere izan daitezke. Esate baterako, UEUren udako ikastaro bat presta dezakete Tuteran. Herri mailako gauza txikiak eta geografia zabalagoko gauza handiak. Izan ere, Errigorak baliabide ekonomikoak bideratzeaz gain, sare zabala osatzen du Nafarroatik kanpora eta urte hauetan garatutako harreman sarea baliatu nahi dute Agerraldiakoek. Azaroan berriz joango dira herrietara, proposamenak jasoko dituzte, beharrak antzemango dituzte, eta asmoa da 2020rako agenda moduko bat prestatzea.
Edozein alorretako ekarpenak jasotzeko prest dago taldea, izan kirol arlokoak, eremu sozioekonomikokoak, kulturakoak, aisialdikoak, erakunde publikoei eragiten dietenak...
Orain arte Errigorak baliabide ekonomikoak AEKren, Ikastolen Elkartearen eta Sortzenen eskura jarri ditu. Hiru eragileak ez dira zuzenean Agerraldiako partaide, baina lankidetza estua izango dute. Hemendik aurrera Errigoraren bidez lortutako dirua bi norabidetan banatuko da, batetik, orain arte bezala AEK-k Ikastolen Elkarteak eta Sortzenek jasoko dute, eta bestetik, Agerraldia taldeak jasoko du herrietako eskaerei erantzun ahal izateko.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Euskara hauspotzeko lan egiten duten eragileak ekonomikoki hornitzea da ekimenaren xedea. Ekarpena egiteko bertako produktuen saskiak erosteko aukera izango da urriaren 24tik azaroaren 14ra bitartean.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]