Nekazaritza industrialaren eta kontsumo taldeen historia ezagutu nahi?
Gipuzkoako kontsumo taldeak eta kooperatiba agroekologikoak biltzen ditu Basherri Sareak. “Kontsumo taldeak eta kooperatibak gure artean saretzeko eta elkar laguntzeko gogotik sortu zen taldea”, azaldu digu Ioana Iñigez Susperregi kideak. Garaiko eta tokiko barazkiekin osatutako saskien banaketan oinarritzen da sareko taldeen jarduna: nekazariaren lanari balioa emanez eta bere eskubideak bermatuz, eta aldi berean, kontsumitzaileari kalitatezko produktuak eskainiz. Kontsumo taldeen inguruan herritarrak informatzeko sortu dute orain erakusketa ibiltaria.
Bigarren Mundu Gerratik handitzen joan den bola
“Kontsumo taldeak, agroekologia, elikadura burujabetza eta antzeko kontzeptuak oso erabiliak dira gaur egun, baina zerk eraman gaitu azkenaldian horretaz guztiaz hainbeste hitz egitera?”, galdetzen du Iñigezek. Bigarren Mundu Gerra ondotik nekazaritzan egin diren aldaketak azaltzen ditu erakusketak. “Europan gosete handiak izan ziren gerraren ondoren, eta orduan abiatu zuten monokultiboen eta pestiziden estrategia”. Eredu industriala jarri zen martxan, ahalik eta jende gehien elikatzeko aitzakiarekin. Gerora ikusi zen, ordea, jendeak gosea pasatzen jarraitu zuela eta nekazaritzan abiatutako estrategia hark bestelako helburuak zituela. “Hor eman zen aldaketa, nekazaritzaren industrializazioa abiatu eta gaur arte geldiezina izan den bola hori sortu zen”.
Kontsumo taldeak alternatiba
Nagusitu den nekazaritza eredu industrial horretatik ihes egiteko aukera bezala hasi ziren sortzen lehenengo kontsumo taldeak. “Erakusketaren helburua kaleko jendeari kontsumo taldeena moda soil bat baino gehiago dela erakustea da, iraultza egiteko modu bat direla”. Garrantzitsua da, bere ustez, agroindustriaren nagusitasunari buelta emateko herritarrei erakustea gauzak egiteko beste modu batzuk badaudela.
Horregatik, nekazaritzaren historian ezezik, kontsumo taldeen historian ere murgilduko dira erakusketaren bisitariak. Oraingoz, Oiartzunen eta Hendaian izan da erakusketa ikusgai, baina sarearen asmoa da mugitzea. Interesa duen edonork bi bide dauzka haiekin harremanetan jartzeko: info@basherrisarea.eus helbidera idatzi edo 655 70 90 43 zenbakira deitu.
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]