Lana hobetu, kultura hobetu
Bizi garen tokiko egoera sozioekonomikoak harreman zuzena du bertoko (Meatzaldea-Ezkerraldea) pertsonen kultur mailarekin. Azken aldian herriko gazte batzuei entzun diet bere gogoeta eta kezkak partekatu eta garatzeko falta dutela gure inguru hurbilean. Kultur edo sozial arloan profesionalki edo boluntarioki ari diren gazteak dira, herrian guztiz integratuta daudenak, baina beren ideia eta pentsamenduak partekatzeko ingururik topatzen ez dutenak.
Kanpora joan eta Euskal Herriko beste eskualdeetako jendearekin izandako harremanetan bestelako lasaitasun bat, gaiak lantzeko giro goxoago bat sumatzen dutela diote. Guk ere hala sentitu genuen gazteago ginela herritik kanpo egindako hasierako joan-etorrietan.
Nekazaritzatik meatzaritzara eta industriara pasatu zen eskualde baten seme-alabak gara, industria gainbehera etorri eta merkalguneetan langile-erosle bihurtu direnak. Eskualdean dauden kulturgune publikoak nahiko berriak dira eta besteren artean gure herriak ez du oraindik kultur ekintzak egiteko aretorik. Horrela hemengo kultur programazioa betidanik aski ahula izan da eta normala denez orokorrean jendeak ez du izan antzerki, dantza, literatura edo musika emanalditara joateko ohiturarik. Beraz egoera honetan, hizkuntza batean edo bestean eta egiten den kultur jardueraren erregistroa edozein izanik ere, sarri gertatzen da zerbait antolatu eta oso ikusle gutxi agertzea. Orain arte hemen ez da egon kultur sortzaile edo jasotzaile corpus sendorik, hortik gurean zein zaila den kultur gaiak partekatu, gogoetatu edo edozein sormen lan hastea.
Dudarik gabe herriko sare eta instalazio komunitarioek garrantzia dute kulturgintzaren berpiztean, baina arlo pertsonalean norberaren bizi baldintzekiko lasaitasunak ondorio zuzena du norberak kultura jasotzeko duen aukeretan.
Nola joango da gurean norbait kultur jarduera batera goizetik gauera lanean baldin badago?
Nola garatuko ditu pertsonak bere ideia eta kezkak norbere haurrak edo zaharrak zaintzeko denborarik ere ez badu? Gurean kultura garatuko bada instalazioak behar ditugu, baina beharrezkoago dugu pertsonen beharrak errespetatuko dituen lan eredu bat. Familia zaintzeko denbora izan eta norbere burua, motibazio eta kezkak garatzeko aukera emango diguna. Meatzaldea-Ezkerraldean asko gara, jatorri askotatik gatoz eta asko dugu esateko. Bitartean telebista eta taberna izango dira eskualdeko kulturaren oinarri.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]