Gazte beti, bizirik beti!
.jpg)
Bergarako Fly Shit taldea oso gazte, hasi berri, ezagutu nuen euren herrian gaztetxerik ez zegoenean eta funtzio hori nolabait Pol-Pol tabernak betetzen zuenean. Gu baino gazteagoak izanda ere, hardcoreak liluratuta zituen kideak eta luzaroan lan egin dute ia bakarrik gure eskualdean beste belaunaldi batzuk hainbeste maitatutako soinu eta gauzak egiteko moduari eusteko. Horren erakusle gero landutako gaztetxea, hauspotutako Txapa Irratia eta beste.
Zarauzko Managaitz askoz geroago ezagutu ditut, baina horiek ere testuinguru antzekoan kokatu ditzakegu. Eszena emankorragoan bai, baina oso gaztetatik herriko gaztetxean, irrati librean eta beste inplikatuta.
Horrek guztiak erakusten du, askok uste dutenaren kontrara, halako musika eta jarrera lantzeko ez dagoela adinik eta benetan sinistuta atera daitekeela denbora eta indarra; ezta? Ez dela, bada, gaztaroko erokeria soila…
Oso dotorea iruditu zait gaur egun Euskal Herrian dauzkagun bi hardcore-punk talde hauek landutako elkarlana; egiteagatik, egin daitekeela erakusteagatik eta emaitza txukunagatik ere. Momentuz biniloan kaleratu dute; eta laster CDan ere argitaratuko da.
Fly Shitek ezingo du inoiz alboratu DNAn erabat zizelkatuta dituen Bap! eta RKL (nik ere ez nituzke alboratuko!); horren adierazle dira hainbat melodia, gitarra riff eta erritmo aldaketa; baina taldea askoz harago doa: Bidai klandestinoa kanta borobila da, erritmo aldaketa, abiadura eta tempo erdiak dituena. Heriotz gurutzatuak-ek oso presente dauka Fugazi talde handia. Fly Shit 2 autobiografikoa da, azkarra, indartsua eta malenkoniatsua. Eta, azkenik, Sareetan harrapatuta eskola zaharreko harcore amorratu samarra.
Managaitz taldearen eskaintza sorpresa izan da niretzat, izenez bai baina kantuz ezagutzen ez nituelako. Bisitari lotsagabea, Ez ahantzi nitaz eta Zerbaitetarako balio izatea eskola zaharreko hardcore-punka dira melodia ere jasotzen dutena. Espiralaren gailurra Bap! zaharren erritmoak, indar bizia eta sentimenduak uztartzen dituen maisulana. Eta Ezin dugu zein Kamera gabe ere erritmo aldaketak barra-barra eta erritmo bizia dituzten kanta sentikorrak.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]