Baserrira bisita bertsolariekin
2017ko urte bukaeran eman zuen ezagutzera Baserriko Uzta egitasmoa EHKOlektiboa elkarteak: urtaro bakoitzean Euskal Herriko baserri ekologiko eta txiki banatan kontzertuak iragarri zituzten orduan. Kulturaren eta musikaren bidez baserrietako ateak zabaldu eta beren errealitatea gainontzeko herritarrengana hurbiltzeko modu bat zen proiektua. Helburu berarekin abiatu dute orain EHKOlektibotik Biziaren Ahotsak ekimena: musikak beharrean, kasu honetan bertsolaritzak hartuko du protagonismoa.
Lurrarekin eta herriarekin konektatzea asmo
Eredu ekologikoan diharduten Euskal Herriko baserritar txikiek eta bestelako kontsumo eredu bat bilatzen duten herritarrek osatzen duten elkartea da EHKOlektiboa. Kolektibo barnean egiten ari ziren lanketa herritarrengana zabaltzeko beharra ikusi zuten duela bi urte, eta horrela bururatu zitzaien baserriaren eta kalearen arteko zubi lana egiteko ekimen musikala abiatzea. Musika taldeak izan beharrean, bertsolariak izanen dira oraingoan herritarrak baserrietara erakarriko dituztenak.
“Baserritarrok gogora ekarri beharko genuke zerk/nork ematen digun bizia: lurrak. Gogora ekarri beharko genuke gure ardura: herria benetan elikatzea –ez sabela betetze hutsa–. Bi elementu horien arteko orekan bizi behar. Lurra eta herriarekin konektatu berriz ere”, diote ekimenaren bultzatzaileek zabaldutako prentsa oharrean. Ahotsaren komunikazio gaitasuna baliatuz, baserria bisitatzeko eta hango lana ezagutzeko aitzakia izanen dute hurrengo hilabeteetan bertsozaleek eta bertsolariek.
Lehen zita urriaren 5ean Pikunieta baserrian
Bertso bisita ilustratuaren lehen edizioa Antzuolako Pikunieta Baserrian eginen dute, urriaren 5ean. Maialen Lujanbio eta Amets Arzallus bertsolariak arituko dira bertan, goizeko 10:30etatik aurrera. Baserrian bisita eginen dute lehenik hurbildutakoek, eta bertso saioaz gain bazkaria ere bertan izanen da.
Biziaren Ahotsak ekimenaren lehen saio horretan izena eman nahi dutenek hemen dute aukera (EHKOlektiboaren webgunean). Bisita, bazkaria eta bertso saioaren prezioa 25 eurokoa izanen da helduentzat, eta 15 eurokoa 12 urtetik beherakoentzat. 6 urtetik beherako parte hartzaileek doanik izanen dute ekimenerako sarrera. Honela diote ekimenaren informazio oharrean antolatzaileek: “Baserritarrok eta bertsolariok elkarrekin jarriko dizkiogu ahotsak biziari, munduan jarriko gaituzte ahotsok, ikusgarri egingo gara. Esentziara joko dugu: elikadura eta ahotsa”.
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]