Bide berriak bilatzen
Soraluzen 2016an sortutako taldea da A Tuti Plain, eta izenaren esanahiak taldearen izaera ez adierazi arren, izenak –italieraren eta ingelesaren nahasketa– apur bat erakusten du taldeak egiten duena. Haien kantetan rock doinuak nagusi diren arren, pop, grunge, metal, rap eta funky estiloen ukituak suma baitaitezke. Azken batean, hainbat estilo edo musika mota nahasten dituzte, indarrarekin, grinarekin eta bizitasunarekin.
Izan ere, taldekideen hitzetan, taldea hasieratik “esperimentaziorako gune bezala” hartu dute. “Musika estilo jakin batean harrapatu gabe, iturri ezberdinetatik edaten duena. Oraindik soinua erabat definitu gabe duen taldea da, etengabe bide berriak bilatzen ari dena”.
Mezuak kritikoak dira, eta ezkorrak diruditen arren, alde positiboa badute. Argia bilatzen saiatzen baitira iluntasunean, argi izpi batzuk, bederen: “Galdu edo irabazi, nahi bezala bizi; segi argi izpiak, itxi zauriak” (Zauriak), “Dena galduta dagoela dirudi; itzalaren menpe ez al da lekurik? Bideak egiten nau ni” (Itzalaren menpe), “Orduak egun bilakatu dira, segundoka erotu, ikus ditzagun argi izpiak, hain urrun” (Beste behin).
Ina Peñalba (gitarra, ahotsa), Joseba Mendizabal (gitarra), Jondar Plata (baxua) eta Gotzon Elizburu (bateria, koruak) dira taldekideak. Gazteak dira, eta Gotzon da haien artean eskarmentu handiena duena, Junzai Txetxera taldean abeslari moduan aritua baita. Hiru urte dira A Tuti Plain sortu zutela, eta urte eta erdi inguru gaur egungo lau taldekideak elkarrekin jotzen hasi zirela.
Walter Tuzzeo soinu teknikariarekin aritu dira kantak grabatzen Eibarko Legarre estudioan. Halaber, Walterrek berak teklatuak jo ditu eta koruak ere egin ditu grabazio saioetan, Katxo (Polo Opuesto) Itzalaren Menpe kantan aritu da abeslari moduan eta taldekideen beste zenbait lagun ere aritu dira koruak egiten: Oier, Maitane eta Idurre.
A Tuti Plain taldekoak urtebete inguruan aritu dira kantak prestatzen eta grabatzen, jendaurreko emanaldirik egin gabe, eta lehen saioa ekainaren amaieran egin zuten Donostiako Dabadaba aretoan. Geroztik, beren herriko jaietan ere jo dute, eta beste toki batzuetan ere ariko direla espero dugu.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]