Adiskide bat nuen
.jpg)
Anabel Fernández Rey
Ilustrazioa: Anabel Fernández Rey
Itzulpena: Manu López Gaseni
(Pamiela, 2019)
Adiskidetasunari buruzko liburua dugu Anabel Fernández Reyk idatzi eta ilustratutako hau. Istorio sinplea da, haur eta hartz handi baten arteko harremanari buruzko istorioa. Egileak, mezua hobe helarazteko, jolastu ahal izateko, apropos erabili du animalia pertsonifikatuta bi gizaki jarri beharrean.
Haurrak laguntza eskatzen dio behin eta berriro hartzari. “Ez dut barazkirik jan nahi. Lagunduko didazu zuk, tripontzi horrek?”, “Ezin naiz bakarrik orraztu. Zuk, goitik hobeto ikusten duzunez, lagunduko didazu?” edo “Oso azkar ibili nahi dut. Zuk, bultza egiten dakizunez, lagunduko didazu?”, eta horrela ikusi ahal dugu haurra irribarrez, nahi duena egiten, eta ondoan hartz handia serio, haurrak esandakoak, eskatutakoak, egiten. Irudi sinple eta pastel kolorekoak, suabeak, dira. Detaileetan eta paisaian edo inguruko kontuetan arreta desbideratu gabe, haurraren eta hartzaren arteko ekintzan zentratzen da eta horretara garamatza irakurle-ikusle gisa.
Bi protagonisten arteko harremana, baina, aldatu egiten da une batean. Haurrak bere jostailu guztiak barreiaturik dituelarik hartza jasotzen ari denean aurpegi serio baino serioagoarekin. Hurrengo irudian, bi orriak betetzen dituen hitzik gabekoan, hartza pentsatzen azaltzen zaigu, eta handik aurrera bera izango da bere “adiskideari” laguntza eskatuko diona behin eta berriro.
Azkenean, adiskidetasuna bien arteko harremana dela ikusten da, biek eman behar dutela laguna pozik egoteko, bien parte-hartzea behar dela eta orduan bai, orduan liburuaren izenburuan ageri den galdera ikurrak ez du zentzurik izango.
Istorio sinplea dela aipatu dugu, irudien erabileran, testuan eta kontatzen duen argumentuan, baina sinplea izanda ere badu bere mezu sakona. Haurrek erraz harrapatuko dutena istorioaren nondik norakoagatik eta baita irudietan protagonista bien baitan ematen diren aldaketengatik; are gehiago, mezua hobe ulertzeko nahitaezkoa da hartz handiaren eta mutikoaren aurpegiak aztertzea, egiten dituzten keinuak, transmititzen dituzten mezuak aztertzea. Egileak, ederki lortzen baitu, horien bidez, adiskidetasunari buruzko mezua helaraztea. Eta horretarako nahikoa da liburuaren azalean ageri den ilustrazioa eta amaierakoa konparatzea.
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]
Snarkaren ehizan
Lewis Carroll
Irudiak: Henry Holiday
Itzulpena eta edizioa: Manu LÓpez Gaseni
Pamiela, 2024
-------------------------------------------------------
Udaberrian argitaratu zen esku artean dugun obra hau. Alizia herrialde miresgarrian,... [+]
Argialdiak
Miriam Luki
Susa, 2023
-------------------------------------------------
Itzulerak
Miren Agur Meabe
Elkar, 2023
--------------------------------------------
Iaz kaleratu zuen Miren Agur Meabek Itzulerak eleberria. Pertsonaia nagusiak gazteak direnez, gazte literatura dela esan genezake, baina literatura ona denean, gazte zein helduentzat da,... [+]
Soka-tira
Testua: Ilan Brenman
Ilustrazioak: Guilherme Karsten
Itzulpena: Ipar Alkain
Denonartean, 2024
-------------------------------------------------
Album honen bukaeran bada Benjamin Franklinen aipu bat: “Sekula ez da izan gerra onik, ezta bake txarrik... [+]
Putzua
Goiatz Labandibar
Erein, 2024
----------------------------------------------------------
Goiatz Labandibarren Putzua egun batean gertatzen den hazkunde nobela bat da: hilekoa jaisteak markatzen duena, hain zuzen ere. Edo bestela esanda, heroiaren bidaia bat,... [+]