“Borroka hau irabaziko dugu”: pentsiodunak mobilizazioz jositako udazkena prestatzen ari dira
Udazkenerako hainbat mobilizazio handi prestatzen ari dira pentsio duinen aldeko elkarteak. Irailaren 30ean izango da lehena, eta azaroan beste mobilizazio handi bat egin nahi dute; sindikatuekin hitz egiten hasi dira ondo prestatzeko.
85 astelehen daramatzate Bilboko pentsiodunek protestan; ia 20 hilabete geratu gabe. Mariano Rajoy-ren gobernuak pentsioak urtero %0,25 igoko zirela adierazi zuen orduan, eta honek Espainiako Estatuko pentsiodun askoren haserrea ekarri zuen. Hori dela eta, milaka kalera atera ziren, eta astero protesta egingo zutela zin egin zuten egoera hobetu arte. Gaur arte daramate protestan.
Espainiako Gobernuaren eraketak asko baldintzatzen du pentsiodunen egoera; irailak 23a da gobernua eratzeko azken eguna, eta egun horretan ez bada eratzen, 2020ko aurrekontuak ez dira aterako. Beraz, pentsioen igoera %0,25ekoa izango litzateke datorren urtean.
Egoera hala, pentsiodunak mobilizazio eta borrokaz jositako udazkena prestatzen ari dira. Lehenik eta behin, astelehenean iragarri duten bezala, irailaren 30ean mobilizazio handia deitu dute Bilbon, eta azarorako halako beste bat ari dira prestatzen sindikatu eta beste hainbat eragile sozialekin batera; izan ere, lanuzteak ere deitu nahi dituzte.
“Hainbat eragile sozialekin elkartu gara, sindikatuak barne, eta hiritar guztien mobilizazio egunak proposatu dizkiegu, lau orduko lanuzte batekin, langileek mobilizazioetara joateko aukera izan dezaten”, adierazi dio Público egunkariari Jon Fanok, Bizkaiko pentsio duinen aldeko mugimenduaren kideetako batek. Sindikatu eta eragile batzuek parte hartuko dutela baieztatu dute, eta elkarlanean jardungo dutela esan dute.
“Irabaziko dugu”
Andrea Uña pentsio duinen aldeko ekintzailea borroka hau irabaziko dutela ziur da: “Ilusio handiz aterako gara kalera, politikariei tinko jarraitzen dugula eta aurrean gaituztela argi uzteko”, dio Uñak. Politikariek haien eskakizunak ulertzen dituztela uste du Uñak, baina kasurik egiten ez dietela ere argi utzi du.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]