Eta amaierak dantzan harrapatu gintuen
Biharamunarekin, baina bart luzatu izanaren damu itxurarik gabe. Halaxe aurkitu genituen Uger eta Explosivah taldeko kideak inguruetako punk rock zaleen elkargune aski ezaguna den Barakaldoko El Tubo tabernaren ateetan. Giroan antzeman zitekeenez, bezperan emandako zuzenekoaren bidez publikoarekin bakarrik ez, elkarren artean ere konektatu zuten bi taldeek.
Ajeak aje, Leonetik espresuki bi zuzenekoak ematera etorritako Explosivah hirukotea eta Bilbo inguruetako Uger boskotea aurreko gauekoa errepikatzeko gogotsu zirela zirudien. Jarraian entzun eta bizitakoak hala zelan berretsi zigun.
Sarrera guztiak agortuta, aretoa gainezka aurkitu zuen atetik sartzen azkenak. Aurreko eguneko ordena alderantzikatuz, etxekoei egokitu zitzaien beren punk rock eta stoner ukitudun rock alternatiboaz taberna-zulo ilunean barrena publikoarenganaino bidea zabaltzea, eta bisitariei ibilbidea ixtea. Tarteka buru-kolpeka, tarteka begiak itxita eta dantza ugari tarteko, taberna-zuloan pilatu ginenok gustura egin genuen berauen atzetik bidea, izerdi patsetan eta barran zeozer eskatzeko gogoz itzultzeraino.
Publikoa poltsikoratzeko aukerak nabarmen handitu zizkien sorpresa faktorearekin jokatu zuten Ugerreko kideek: Fedea izeneko abesti berriarekin mututu gintuzten, kolpean bereganatuz parean ginenon arreta. Zurrumurruek diotenez, azken lerroetaraino heldu omen zen hirugarren disko baten usaina. Segidan, nostalgikoenak asetu zituen lehen diskoko Urtua eta Ugerra abestiei eman zieten bide. Abesti homonimoaren erritmoekin abiadura hartuta eta frenatzeko intentziorik barik, bigarren diskora salto egin eta Hilos joaz jarraitu zuten, baina entzuleon atzera-aurrerentzat taberna estu bilakatzen ari zela ohartu izan balira bezala, geure onera ekarri gintuzten Txanpon bat Sabin zaharrarentzat melodikoagoaz.
Behin entzuleok mantsotuta, bigarren abesti berri batekin gozarazi ziguten. Boskotearen eskutik abiatutako bidaian, Cosmic bidean egindako aurkikuntza ederra izan zen, eta aurkikuntzaren lilurak eta ostean etorri zen psikodelia zantzudun Denbora-k ezin hobeto ezkondu zuten. Abestiaren amaierarako berriro hartua genuen erritmoa, eta Ez dut nahi indartsuaren lehen doinuek oraingoan taldekideen partetik frenatzeko asmorik ez zegoela adierazi ziguten: amaiera gertu zegoela antzeman zitekeen. Ezin ahaztu-ri eman zioten bide segidan, eta heldu da jada, heldu da jada zioten estribilloak profezia bailiran, amaiera gertu antzeman eta dantzan harrapa gintzala erabaki genuen. Amaiera onartu duenaren entregarekin jaso genuen boskoteak azkenerako gordea zuen harribitxia: Samarra, Sonic Youth taldearen Mote-ren bertsioa.
Ostean, El Tuboko barrunbeetan barrenako bidaiaren gidaritza hartu zuen Explosivah-k, guztiok dantzan jarri gintuzten punk rock doinuen eztandari bide emanez. Taldearen irudi gisa granada itxurako bihotza –edo bihotz itxurako granada, bakoitzaren arabera– darabilenarengandik ez genuen gutxiago espero. Amaierak dantzan harrapa gintzan prest geunden.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]