BVE eta GALen biktimei diru-laguntza ukatzeak ez du Europako Hitzarmena urratzen, Estrasburgoren arabera
Giza Eskubideen Europako Auzitegiak ebatzi du Espainiako Gobernuak GAL eta BVEren biktimei diru-laguntzak ukatzeak ez duela zalantzan jartzen hauen "errugabetasun printzipioa", eta hortaz, ez duela urratzen Europako Hitzarmenaren 6. artikuluan azaltzen dena. Hala, senideek jarritako salaketa ez du aintzat hartu.
Espainiak Gobernuak diru-laguntza ukatu zien estatuaren gerra zikinaren ondorioz hildako familiarrei, ETAko kideak zirelakoan. Baina hildakoak ez ziren sekula epaituak eta terrorista gisa kondenatuak izan, egindako ustezko delituengatik. Hala, GAL eta BVEren hamar biktimen senideek Estrasburgora jo zuten, euren errugabetasun printzipioa auzitan jartzen zuelako erabaki horrek.
Giza eskubideen auzitegiak ebatzi du kalte-ordainak ukatzearekin Espainiak ez duela urratzen Europako Hitzarmena eta ez du aintzat hartu salaketa. Hala ere, Estrasburgok ez du iritzirik eman biktima horiek kalte-ordainak jasotzeko eskubidea duten ala ez deliberatzeko orduan.
Espainiak 2011ko biktimen legea erabili du diru-laguntzak ukatzeko; horren arabera estatuak ez ditu zertan indemnizatu talde terroristan parte hartu izan duten kide edo senideak. Baina, Estrasburgon salaketa jarri duten biktimen artean ez dago ETAkoa izateagatik epaitutako inor.
Europara jo aurretik, auzia Espainiako Konstituzio Auzitegian eztabaidatu zen eta tribunaleko bi epailek boto partikularra eman zuten, haien iritziz ere ez zegoelako frogatuta biktimak ETAko kideak ziren ala ez.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
2008an Fernando Grande Marlaska epailearen aginduz atxilotu zutenean Ibai Azkonak pairatu zituen torturak aitortu ditu Nafarroako Gobernuak. Euskalerria Irratian, pauso honek suposatzen duena azaldu du Azkonak.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.