Azkenean ikurrina txupinazoan
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
"Arrantzale bizardunen" gisako ekintzarik gerta ez zedin teilatuetan foru poliziak jarri zituzten, kaleetan era guztietako poliziak ziren uniformez zein zuri-gorriz jantzita, eta Udal plazara ikurrina edo bestelako banderarik sartzeko ahaleginei errepresioz erantzun zieten. Azkenean, eguerdiarekin bat eta oztopoak oztopo, plaza argazkian ikusten den gisan agertu zen, aldarrikapenari eta adierazpen askatasunari bide emanez.
Udal barruan ere egon zen istilurik eta EH Bilduko hainbat zinegotzi balkoi batean ikurrina ateratzen saiatu zirenean, bultzaka atera zituzten bertatik, Mayaren aginduak zorrotz betez. Tentsio handiko uneak bizi izan ziren eta Joseba Asiron alkate ohia Mayarengana hurbildu zen bere jokaeraz kargu hartzeko.
Aldaketaren indarrak udal gobernuan izan diren lau urteetan ez da istilurik izan txupinazoan eta ez zaie jazarpenik egin aldarrikapen anitzei. Tradizio bat bailitzan, Navarra Sumak egun gutxi batzuetan lortu du txupinazoko ohiko jazarpen giroa berreskuratzea.
Akordioa Nafarroako Gobernua osatze aldera
Uztailaren 5ean Nafarroako Gobernua osatzeko pauso garrantzitsua eman zen eta PSNk, Geroa Baik, Ahal Duguk eta Izquierda-Ezkerrak gobernu programa adostu zuten. Uztailaren 14tik aurrera alderdietako zuzendaritzek berretsi beharko dute akordioa.
Lau alderdien arteko akordioa, aldiz, ez da nahikoa PSNko buru Maria Chivite lehendakari izendatzeko, EH Bilduren hiru parlamentariren –zazpi ditu– abstentzioa behar baitu 26 eserlekura iristeko. EH Bilduk gogorarazi du bere botoak ezinbestekoak direla eta PSNk erantzun du ez duela EH Bildurekin hitz egingo boto horiek eskuratzeko.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.
Udaltzaingoak Iruñeko entzierroko korrikalari bat identifikatu du larunbateko txupinazoan ikurrinekin izan zen arazoarekin lotuta. Identifikazioagatik kexu ziren beste bi pertsona salatu ditu Udaltzaingoak, eta hirugarren pertsona bati ukabilkada jo dio udaltzain batek.