Sinetsirik
Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko euskaltzaleak ere. Pankarta hitz gutxikoa zen: “Queremos el canal”. Haren inguruan, Erriberako nekazariak, haserre, Nafarroako ubidea beren lurretara ez baita oraindik ailegatu.
UAGN sindikatuak deituriko elkarretaratzea zen. UAGNk, ordea, ederki daki zorioneko ubideko ura ailegatuko dela, goiz edo berant, nekazari horien lurretara. Bertzeak bertze horretarako aritu baita lanean Uxue Barkosen gobernua. Kostu gehiegizkoa zela-eta UPNk eten zuen proiektua berrabiatu eta, bertzelako konponbide tekniko merkeagoa eman ondoan, bideragarri egin du legealdi honetan Manu Ayerdi kontseilariaren departamentuak. Berantetsiak egoteko eskubidea bazuten, beraz, Sarasate pasealekuan bildutakoek. Ez haserre.
Nekazari horiek, ordea, dudarik ez zuten: Barkosek geldiarazi du, lau urte hauetan, Nafarroako Ubidea. Bilduren eta Podemosen exijentziak ontzat hartu dituelako. Erriberari gorroto diolako. Nafarroako bideragarritasun ekonomikoaren kontra ari delako. Badakizue, zenbat eta pobreago aiseago Euskadin. UPNk, berriz eta PSNk, eta PPk ubidea eskatu baizik ez du egin, Barkosen lehendakaritzaren lehen egunetik beretik.
Zenbait urteren buruan, Nafarroako lau urte hauek ikertzen direnean, errealitatearen manipulazioari eskaini beharko zaio kapitulu oso bat. Oposizioko alderdiek zein erraz bihurtu duten gezurra egia. Nola erabili den botere mediatiko guztia errelato bat sortzeko, hainbat alderditan, benetan gertatzen ari zenarekin deus ikustekorik ez zuena. Eta zein txepel, zein trakets, erantzun zaion komunikazioaren aldetik bonbardaketa horri.
Nire lagun erdaldun bat oposizioak prestatzen ari da lanpostu finkoa izateko, Foru Administrazioko bulegari. Ehundik gora lanpostu. Dozena bat euskaraz. Deialdian idatzia dago, baldintzetan, ez dago horren inguruan espekulaziorik egiteko biderik. Lehengoan asaldaturik etorri zitzaidan, ordea. Ezagun batekin kalapitan ibilia zen. Nonbait, suturik zegoen lanpostu guztietarako euskara eskatzen zelako. Maiatzaren 26an, nafar aunitz eta aunitz boto ematera joan zirenean, sinetsirik zeuden ezinezkoa zela Nafarroako Administrazioan euskaraz jakin gabe sartzea. Egia izan balitz, bederen.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]