Zalantzak
Ez dakit saioa bera telezaborra zen; gaia telezaborra zen. Aspaldiko saio batez ari naiz, artean gazte nintzeneko batez. Tertuliako kide batek argudiatu zuen ezin zela telebista mota hori definitu, ez zela horrelakorik, berak bederen ez zekiela telezaborra zehazki zer zen.
Horrelako arrazoiak eman zituena telezabor ekoizle ezaguna zen; beraz, haren zalantza teoriko guziak desagertu egiten ziren zer zen ere erraten ez zekien hori egiteko tenorean. Edo beharbada bazekien, baina etiketak molestatu egiten zuen.
Espainiako hedabideetan antzeko nahasmen epistemologikoan daude murgilduta izena latinez duen alderdi bati dagokionez. Faxista ote da? Ez, bada; faxismoa bertze gauza bat dela azalduko digute telebistan. Eskuin muturrekoa? Ines Arrimadasek berriki argitu digu beti arrazoia duen egunkari –kontserbadore?, antidemokratiko?– konstituzionalista batean alderdi ultrakontserbadorea dela. PPrekin eta Ciudadanosekin nahasita, pasta gozo bat sortzen da, edozein demokratak aise irensteko modukoa, zentro-eskuina izenekoa.
Bertze alderdi batzuekin, berriz, hedabideek ez dute den dudarik ñimiñoena ere sekulan izan. CUPekoak erradikalak izan dira beti, Podemosekoak bolivarianoak eta ezker abertzalekoak, gaztelaniaren aberastasuna zer den, ETAzaleak, terroristak edota hiltzaileak.
Egun hauetan, Javier Esparza UPNko hautagaia telebista guzietan ibili da kontatzen EhBilduren jarlekuak "odolez blai" daudela. Urte batzuk dira ezker abertzalea ETAtik urruntzen eta eragindako sufrimendua aitortzen hasia dela. Urte batzuk dira, orobat, PSOEko buruzagi bat han-hemenka dabilela "iradokitzen" bera izan zela GAL antolatu zuela. Frogak froga, sozialisten jarlekuetan odolik ote den zalantzagarria da oraindik kazetari anitzendako. Izena latinez duen alderdi hori zer ote den bezain.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Erribera, historian, sekula euskalduna izan ote den; horra hor Nafarroan, duela berrogei urtetik hona, hainbestean behin errepikatzen den eztabaida bizantziarra (eztabaida bizantziarra: eztabaida alferrekoa, zeinean alde bakoitzak ezin baitizkio frogatu bere baieztapenak beste... [+]
Etxez aldatzen naizenean, edo, areago, norbait etxetik joaten denean, oroiminak hartzen dizkit burua eta bihotza. Orduan hasten naiz zer gordeko dudan eta zer ez erabakitzen saiatzen. Izan ere, objektu guztiek lotzen gaituzte zerbaitetara, edo norbait ekartzen digute gogora;... [+]
Estatu poliziala kanpora! Abesten dute negar-gasen leherketen artetik. Gaztetxo konprometituak, amatxi militanteak, aurpegi estaliak, edo ez, pailazoak, musikariak, sindikalistak eta politikariak, kaskodun medikuak, laborariak traktore gainean... Landa-eremuan zein hirian,... [+]
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Gauzak ez dira horrela, gauzak horrelaxe daude. Esaldi hori iltzaturik geratu zitzaidan Gorka Urbizuren diskoa osorik eta patxadaz entzun nuenean. Uste nuen aurkikuntza itzela egin nuela identifikazio horrekin, inozentea ni! Gerora ohartu naiz, merchandising-erako leloa izateaz... [+]
Krisi existentzial dezente ditut inguruan. Nerabezaroa/gaztaroa itxurakerian pasa, antzezten helburu zutena pertsona onak (ona izanik justua, ez denari baietz esaten dion lerdoa) izatea, benetako bizitza bat bizitzea zela, are, iraultza egitea, eta, orain, berrogei urteak pasa,... [+]
Gizakiontzat ez da inoiz erraza izan lasai pentsatzeko denbora tarte luzeak hartzea, bizimodua aurrera ateratzearen ardurarekin bizi gara, bai geurea zein geure ondorengoena. Bizitzeko izan dugun aukera honetan, ahalik eta ongien nahi ditugu gauzak egin. Ardura horiengatik,... [+]
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
Europar sentimendua duen lagun gutxi ditut, ez dakit europartasuna identitate bat izatera iristen ote den. Baina Europara bidaia egiten dugunean, adiskidetasun bat atera daiteke, ze gurean eta bertan gertatzen den lurraldetasun norabide nagusiak elkarbanatuak dira; bertan... [+]
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]