Elkartasun haziak biltzeko kanpaina internazionalista abian
Venezuelako iraultza bolibartarrarekin lurrak terrateniente handien eskuetatik herritarrenera pasatzen hasi zirenean, eremu soziopolitiko eta produktibo berriak martxan jarri zituzten herrialde osoan: komunak. 2009an hasi zen komunen prozesu progresiboa; 2015ean 1.500 bat zeuden, eta gaur egun jada 3.000 ingurura heldu dira. “Egia da denek ez dutela berdin funtzionatzen, eta bereziki El Maizal komuna dela Venezuelan erreferentzia eta indar handia duena”, azaldu du Saul Curto America Latina Parte Hartuz ikerketa taldeko kideak.
Haziak lortzeko zailtasunei aurre eginez
El Maizal komunak hamar urte bete dituen honetan, hango nekazariek haziak lortzeko zailtasun handiak dituztela dio ekintzaile internazionalistak: “5-6 urte daramatzate El Maizalen eraso inperialistak jasaten, gerra ekonomikoa kasu, eta nekazari komuna izanik haziak lortzeko dituzten zailtasunen aurrean erabaki dugu hemen eragile ezberdinen artean elkartasun kanpaina internazionalista abiatzea”.
Zertan datzan kanpainak? Bada, haziak bilduko dituzte Euskal Herrian, ondoren El Maizaleko nekazariei eramateko. Diru bilketa ere eginen dute haziak erosi eta bidaltzeko nahiz han bertan haziak erosteko. “Landatzeko bi garai dituzte Venezuelan: bata abuztu-irailean da, beraz, oraingo kanpainatik lortzen diren haziak uztailean eramanen ditu Euskal Herritik joanen den brigada internazionalistak, ondoren hango nekazariek landatu ditzaten”.
Bederatzi eragileen arteko elkarlana
Hainbat eragilek elkarlanean abiatu dute El Maizal komuna babesteko kanpaina Euskal Herrian: Askapena eta Komite Internazionalistak, Amerika Latina Parte Hartuz ikerketa taldea, Euskal Herriko Hazien Sarea, EHNE, Etxalde, Bizilur, Paz con Dignidad, Emakumeen Mundu Martxa eta Argia daude sare zabal horretan. “Antolakuntza herritarra duten eremuak dira komunak, eta eredu horiek babesteko gure alea jartzea da kanpainaren asmoa”, dio Curtok.
Hazien bilketarako kanpaina hau komunaren eta orokorrean iraultza bolibartarraren proiektu komunala zabaltzeko ere aprobetxatu nahi dute bultzatzaileek. Horretarako, hainbat hitzaldi emanen dituzte hurrengo hilabeteetan Euskal Herrian zehar.
Hazien kanpainarekin bat egin nahi duenarentzat kontu korrontea zabaldu dute: 3035 0028 16 0280101602 El Maizal Kanpaina.
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]